نېمە ئۈچۈن <قول كېسەللىكىنىڭ مەنبەسى> ھېسابلىنىدۇ؟

نېمە ئۈچۈن ھەممە ئادەمنىڭ بىر جۈپ قولى بار. بۇ بىر جۈپ قول كۈندىلىك تۇرمۇشتا ناھايىتى زور رول ئوينايدۇ، مەسىلەن، تاماق ئېتىدۇ، كىر يۇيىدۇ، تېلېفون بېرىدۇ، پۇل سانايدۇ... ھەر قانداق ئەمگەك ئۇنىڭدىن ئايرىلالمايدۇ. ئەمگەك ئېھتىياجىدىن قول ھەر خىل بۇيۇملار بىلەن ئۇچرىشىدۇ، بۇ نەرسىلەرنىڭ بەزىلىرى ناھايىتى مەينەت بولۇپ، كېسەللىك ۋىرۇسلىرى بولۇشى مۇمكىن. مەسىلەن، كۆكتات، مېۋە - چېۋىلەر؛ بەزىلىرى ئومۇم ئىشلىتىدىغان نەرسىلەر بولغانلىقى ئۈچۈن، بىر مۇنچە كىشىلەر، جۈملىدىن كېسەلگە گىرىپتار بولۇپ قالغان كىشىلەر تەرىپىدىن تۇتۇلغان بولۇشى مۇمكىن. مەسىلەن، تېلېفون، ئىشىك تۇتقۇچى، كىتاب ۋە باشقىلار. دەل مۇشۇنداق بولغانلىقى ئۈچۈن، قول ئېغىر دەرىجىدە بۇلغىنىدۇ، قولدا نۇرغۇن باكتېرىيىلەر، جۈملىدىن كېسەللىك پەيدا قىلغۇچى ۋىرۇسلار بولىدۇ. ئۇنىڭ ئۈستىگە بالىلار ھەرىكەت قىلىشقا ئامراق، ئۇنى - بۇنى تۇتۇشقا خۇشتار، بۇنىڭ بىلەن ئۇلارنىڭ قولىدىكى مىكروبلارنىڭ سانى كۆپىيىپ كېتىدۇ. قولنى يۇيۇش قولنىڭ پاكىزلىقىنى ساقلاشنىڭ بىردىنبىر چارىسى. توغرا قول يۇيۇش ئۇسۇلى مۇنداق بولىدۇ: ئالدى بىلەن قولنى سوپۇنداپ يۇيۇش، ئاندىن ئېقىپ تۇرغان سۇدا چايقاش كېرەك، بۇنداق قىلغاندا قولدىكى مىكروبلارنىڭ 80 پىرسەنتىنى تازىلىۋەتكىلى بولىدۇ. قولنى پاكىز يۇيۇپ بولغاندىن كېيىن، پاكىز لۆڭگىدە سۈرتۈش كېرەك، بولمىسا، ئەمدى يۇيغان قولنى مەينەت لۆڭگىدە سۈرتۈش كېرەك، بولمىسا، ئەمدى يۇيغان قولنى مەينەت لۆڭگە بۇلغاپ قويىدۇ. لۆڭگىنى دائىم پاكىز يۇيۇپ، قۇرۇتۇپ ئىشلىتىش كېرەك. بۇنىڭدىن باشقا، ئادەتتە تىرناقنى دائىم ئېلىپ تۇرۇش، مىكروبلارغا ئورۇن قالدۇرماسلىققا ئەھمىيەت بېرىش كېرەك. تېنىڭىزنى ساغلام بولسۇن دېسىڭىز، ئەمگەك قىلغاندا، ماشىنىغا چىققاندا، كېسەل كۆرسەتكەندە، ئاممىۋى تېلېفون ئىشلەتكەندە، پۇل سانىغاندا، سىرتقا چىقىپ ئوينىغاندا ۋە چوڭ تەرەت قىلغاندىن كېيىن، تاماقتىن ئىلگىرى چوقۇم قولىڭىزنى يۇيۇڭ.