纳希切凡自治共和国

دۇنيادىكى شەھەرلەر ناخىچېۋان ئاپتونوم جۇمھۇرىيىتى سوۋېت ئىتتىپاقى ئەزەربەيجان جۇمھۇرىيىتىنىڭ بىر مەمۇرىي رايونى. شەرق، شىمال تەرەپلىرى ئەرمەنىستان بىلەن، غەرب، جەنۇب تەرەپلىرى ئىران بىلەن چېگرىلىنىدۇ. مەيدانى 5500 كۋادرات كىلومېتىر كېلىدۇ، ئاھالىسى 267 مىڭدىن ئاشىدۇ (1985)، ئاھالىنىڭ ئاساسىنى ئەزەربەيجانلار، قالغىنىنى ئەرمەن، رۇس قاتارلىق مىللەتلەر تەشكىل قىلىدۇ. مەركىزى ناخىچېۋان شەھىرى، ناخىچېۋان 1924 - يىلى ئاپتونوم جۇمھۇرىيەت بولۇپ قۇرۇلغان. يېرىنىڭ كۆپ قىسمىنى تاغلىقلار ئىگىلەپ تۇرىدۇ، شەرقىي شىمال ھەم شەرقىي جەنۇب قىسمىدا كىچىك كاۋكاز تاغلىرى بار. جەنۇبىي ھەم غەربىي جەنۇبىدا ئېگىزلىكى 600-1000 مېتىر كېلىدىغان ئەرمىنىستان ئېگىزلىكى بار. ئاراكس دەرياسى جۇمھۇرىيەتنىڭ جەنۇبى چېگرىسىنى بويلاپ ئېقىپ ئۆتىدۇ. يىللىق ھۆل - يېغىن مىقدارى تەخمىنەن 300 مىللىمېتىرغا يېتىدۇ. ئىقتىسادتا يېزا ئىگىلىكىنى ئاساس قىلىدۇ. كېۋەز، ئۈزۈم، تاماكا ۋە باشقا ئاشلىق زىرائەتلىرى ئۆستۈرۈلىدۇ. چارۋىچىلىقىمۇ خېلى مۇھىم ئورۇن تۇتىدۇ. سانائەتتە يېزا ئىگىلىك مەھسۇلاتلىرىنى پىششىقلاپ ئىشلەش سانائىتىنى ئاساس قىلىدۇ.