ناركوز دورىلىرى ۋە روھىي كېسەل دورىلىرىنى قانۇنسىز بېرىش جىنايىتى

جىنايەت ۋە جازا 非法提供麻醉药品，精神药品罪 fēi fǎ tí gōng má zuì yào pǐn ，jīng shén yào pǐn zuì بۇ - دۆلەت تىزگىنلەيدىغان ناركوز دورىلىرى ۋە روھىي كېسەل دورىلىرىنى قانۇن بويىچە ئىشلەپچىقىرىدىغان، توشۇيدىغان، باشقۇرىدىغان ۋە ئىشلىتىدىغان ئورۇن ۋە خادىملاردىن دۆلەتنىڭ بەلگىلىمىسىگە خىلاپلىق قىلىپ، زھەر چەككۈچى، ئىستېمال قىلغۇچى ۋە ئوكۇل قىلىپ سالغۇچىلارغا دۆلەت تىزگىنلەشنى بەلگىلىگەن ئادەمنى خۇمار قىلالايدىغان ناركوز دورىلىرى ۋە روھىي كېسەل دورىلىرىنى بەرگەن قىلمىشلارنى كۆرسىتىدۇ. 1. ئوبيېكتى - دۆلەتنىڭ ناركوز دورىلىرى ۋە روھىي كېسەل دورىلىرىنى باشقۇرۇش تۈزۈمى بولىدۇ. 2. ئوبېيكتىپ جەھەتتە دۆلەتنىڭ بەلگىلىمىسىگە خىلاپلىق قىلىپ، زەھەر چەككۈچى، ئىستېمال قىلغۇچى ۋە ئوكۇل قىلىپ سالغۇچىلارغا دۆلەت تىزگىنلەشنى بەلگىلىگەن ئادەمنى خۇمار قىلالايدىغان ناركوز دورىلىرى ۋە روھىي كېسەل دورىلىرى بىلەن تەمىنلىگەن قىلمىشنى سادىر قىلغان بولۇپ ئىپادىلىنىدۇ. 3. سۇبيېكتى - ئالاھىدە سۇبيېكت، يەنى دۆلەت تىزگىنلەشنى بەلگىلىگەن ناركوز دورىلىرى ۋە روھىي كېسەل دورىلىرىنى ئىشلەپچىقىرىش، توشۇش، باشقۇرۇش، ئىشلىتىش بىلەن شۇغۇللىنىدىغان ئورۇن ۋە خادىملار بولىدۇ. 4. سۇبيېكتىپ جەھەتتە قەستەنلىكتىن شەكىللىنىدۇ. 355 - ماددا دۆلەت تىزگىنلەيدىغان ناركوز دورىلىرى ۋە روھىي كېسەل دورىلىرىنى قانۇن بويىچە ئىشلەپچىقىرىدىغان، توشۇيدىغان، باشقۇرىدىغان ۋە ئىشلىتىدىغان خادىملاردىن دۆلەتنىڭ بەلگىلىمىسىگە خىلاپلىق قىلىپ، زەھەر چەككۈچى، ئىستېمال قىلغۇچى ۋە ئوكۇل قىلىپ سالغۇچىلارغا دۆلەت تىزگىنلەشنى بەلگىلىگەن، ئادەمنى خۇمار قىلالايدىغان ناركوز دورىلىرى ۋە روھىي كېسەل دورىلىرىنى بەرگەنلىرىگە ئۈچ يىلدىن تۆۋەن مۇددەتلىك قاماق جازاسى ياكى تۇتۇپ تۇرۇپ ئەمگەككە سېلىش جازاسى بېرىلىدۇ، قوشۇمچە جەرىمانە قويۇلىدۇ؛ قىلمىشى ئېغىر بولغانلىرىغا ئۈچ يىلدىن يۇقىرى، يەتتە يىلدىن تۆۋەن مۇددەتلىك قاماق جازاسى بېرىلىدۇ، قوشۇمچە جەرىمانە قويۇلىدۇ. زەھەر ئەتكەسچىلىكى قىلغان، ساتىدىغان جىنايەتچىلەرگە ياكى زەھەر چەككۈچى، ئىستېمال قىلغۇچى، ئوكۇل قىلىپ سالغۇچىلارغا دۆلەت تىزگىنلەشنى بەلگىلىگەن، كىشىلەرنى خۇمار قىلالايدىغان ناركوز دورىلىرىنى ۋە روھىي كېسەل دورىلىرىنى پايدا تېپىش مەقسىتىدە بەرگەنلەرگە مۇشۇ قانۇننىڭ 347 - ماددىسىدىكى بەلگىلىمە بويىچە جىنايەت بېكىتىپ جازا بېرىلىدۇ. ئورۇنلاردىن ئالدىنقى تارماقتىكى جىنايەتنى ئۆتكۈزگەنلىرىگە جەرىمانە قويۇلىدۇ ھەمدە ئۇنىڭ بىۋاسىتە جاۋابكار مەسئۇل خادىمىغا ۋە باشقا بىۋاسىتە جاۋابكارلارغا ئالدىنقى تارماقتىكى بەلگىلىمە بويىچە جازا بېرىلىدۇ. 356 - ماددا زەھەر ئەتكەسچىلىكى قىلىش، ئېلىپ - سېتىش، توشۇش، ياساش ۋە ئىلكىدە قانۇنسىز تۇتۇپ تۇرۇش جىنايىتى ئۆتكۈزۈپ جازا ھۆكۈم قىلىنغانلاردىن مۇشۇ پاراگرافتا بەلگىلەنگەن جىنايەتلەرنى يەنە ئۆتكۈزگەنلىرىگە ئېغىر جازا بېرىلىدۇ. ئالىي خەلق سوت مەھكىمىسىنىڭ <>مەملىكەتلىك خەلق قۇرۇلتىيى دائىمىي كومىتېتىنىڭ زەھەر چەكلەش توغرىسىدىكى قارارى< نى ئىجرا قىلىشتىكى بىرقانچە مەسىلە توغرىسىدىكى ئىزاھات> نى بېسىپ تارقاتقانلىق ھەققىدىكى ئۇقتۇرۇشى (1994 - يىل 12 - ئاينىڭ 30 - كۈنى) س[1994] 30 - نومۇرلۇق 12. ھوشسىزلاندۇرۇش دورىسى ۋە روھىي كېسەل دورىسى بىلەن قانۇنسىز تەمىن ئېتىش جىنايىتى <قارار> نىڭ 10 - ماددىسىنىڭ 2 - تارمىقىدىكى بەلگىلىمىگە ئاساسلانغان، ھوشسىزلاندۇرۇش دورىسى ۋە روھىي كېسەل دورىسى بىلەن قانۇنسىز تەمىن ئېتىش جىنايىتى دۆلەت تىزگىنلەيدىغان ھوشسىزلاندۇرۇش دورىسى ۋە روھىي كېسەل دورىسىنى قانۇنلۇق ئىشلەيدىغان، توشۇيدىغان، باشقۇرىدىغان، ئىشلىتىدىغان ئورۇنلار ۋە خادىملار زەھەر چېكىدىغان، ئوكۇل قىلىدىغانلارغا ئېنىق بىلىپ تۇرۇقلۇق دۆلەت تىزگىنلەيدىغان ھوشسىزلاندۇرۇش دورىسى، روھىي كېسەل دورىسى بېرىش قىلمىشىنى كۆرسىتىدۇ. زەھەر بىلەن تەمىن ئېتىش ئوبيېكتىلىرى زەھەر چەككۈچىلەر، ئوكۇل قىلغۇچىلارلا بولۇشى كېرەك. قارشى تەرەپنىڭ زەھەر جىنايەتچىسى ئىكەنلىكىنى ئېنىق بىلىپ تۇرۇقلۇق، ئۇلارغا دۆلەت تىزگىنلەيدىغان ھوشسىزلاندۇرۇش دورىسى، روھىي كېسەل دورىسى بەرگەنلەر ئالاقىدار زەھەر جىنايىتىدىكى ئورتاق جىنايەتچى ھېسابلىنىدۇ.