木贼

ئۇنىۋېرسال mù zéi قىرىق بوغۇم Dئۆسۈملۈك mù zéi قىرىقبوغۇمDتېببىي mù zéi قىرىقبوغۇم (قىرىقبوغۇم ئائىلىسىدىكى قىرىبوغۇمنىڭ يەر ئۈستى چۆپ قىسمى ) شىنجاڭنىڭ ئۆسۈملۈكلىرى قىرىقبوغۇم بۇ قىرىقبوغۇم ئائىلىسىدىكى كۆپ يىللىق سامان غوللۇق، قىرىقبوغۇمغا ئۇرۇقداش ئۆسۈملۈك بولۇپ، ئېگىزلىكى 30 ~ 80 سانتىمېتىر كېلىدۇ؛ غولى تىك، توپلىشىپ ئۆسىدۇ، شاخلانمايدۇ، بوغۇمى روشەن، غولىنىڭ ئىچى كاۋاك بولۇپ، بوغۇمىدا تەڭگىسىمان يوپۇرماقلىرى ئايلانما بولۇپ ئۆسۈپ، غولىغا مەھكەم يېپىشىپ تۇرىدۇ؛ ئۇچىدا قارامتۇل خورما رەڭلىك ئۇچلۇق سىپورا خالتا باشىقى بولىدۇ. دورىغا بۇ ئۆسۈملۈكنىڭ يەر ئۈستى قىسمى ئىشلىتىلىدۇ. بۇ ئۆسۈملۈكنى ياز، كۈز پەسىللىرىدە يىغىۋېلىپ، توغراپ ئاپتاپتا قۇرۇتۇپ تەييارلىنىدۇ. شىنجاڭ ئۇيغۇر ئاپتونوم رايونىنىڭ ھەرقايسى جايلىرىدىكى تاغ باغرى چۆپلۈكى، ئورمانلىق ۋە دەريا بويلىرى قاتارلىق نەم يەرلەردە ئۆسىدۇ. قۇرۇق سوغۇق. ھارارەت پەسەيتىش، كۆزگە ئۆسكەن قىزىل گۆشنى ياندۇرۇش، قان توختىتىش خۇسۇسىيىتىگە ئىگە. ئەھۋالغا قاراپ 6 ~ 12 گرام ئەتراپىدا ئىشلىتىلىدۇ. قىرىقبوغۇم، ئۈجمە يوپۇرمىقى، سەبدىگۈل، مامكاپلارنىڭ ھەربىرىدىن 12 گرامدىن ئېلىپ، سۇدا قاينىتىپ ئىچىپ بەرسە، كۆز بىرىكتۈرگۈچى پەردە ياللۇغىغا مەنپەئەت قىلىدۇ. 12 گرام قىرىقبوغۇمنى 10 گرام سەبدىگۈل، سەككىز گرام ساڭجۇ، 10 گرام قىزىل چۇغلۇق بىلەن بىللە سۇدا قاينىتىپ ئىچىپ بەرسە، كۆز مۈڭگۈز پەردە ياللۇغىغا ۋە شامالداپ ياشاڭغۇراشقا مەنپەئەت قىلىدۇ. قىرىق بوغۇمدىن سەككىز گرام، زەمچىدىن بەش گرام، كۆكتاشتىن تۆت گرام، مامرانچىندىن بەش گرام ئېلىپ، سۇدا قاينىتىپ كۆزنى ھوردىتىپ يۇيۇپ بەرسە، تراخوماغا مەنپەئەت قىلىدۇ. مۇۋاپىق مىقداردىكى قىرىق بوغۇمنى سۇدا قاينىتىپ يۇيۇلىدۇ ۋە قۇرۇق بويىچە سۈركەپ بەرسە، ياپىلاق سۆگەل ۋە مەڭلەرگە مەنپەئەت قىلىدۇ. بىئولوگىيە قىرىق بوغۇم قىرىق بوغۇم ئائىلىسىگە كىرىدۇ. كۆپ يىللىق سامان غوللۇق ئۆسۈملۈك. يەر ئاستى غولى تىك ئۆسىدۇ، ئوتتۇرىسى كاۋاك بولۇپ، 20 - 30 كۆندىلەك قىرى بولىدۇ، قىرلارنىڭ ئۈستىدە ئىككى قاتار سۆگەلسىمان ئۆسۈكچە بولىدۇ. غولى ئىنتايىن يىرىك بولۇپ، تەركىبىدە سىلتسىي مول بولىدۇ، ئادەتتە شاخلانمايدۇ. يوپۇرمىقى غىلاپسىمان بولۇپ بوغۇمنى چىڭ ئوراپ تۇرىدۇ، يوپۇرماق غىلىپىنىڭ تۈۋى بىلەن غىلاپ چىشىدىن ئىككى قارا چەمبەر ھاسىل بولىدۇ. غىلاپ چىشىنىڭ ئۇچىدىكى قويۇق قىسمى بالدۇر تۆكۈلۈپ ئۇچسىز باشنى ھاسىل قىلىدۇ، يوپۇرماق غىلىپىنىڭ دۈمبە تەرىپىدە ئىككى تال قىرى بولۇپ، ئۇ تىرە ئېرىقچىنى ھاسىل قىلىدۇ. سپورا خالتا باشىقى شېخىنىڭ ئۇچىدا پۆپۈكسىمان بولۇپ ئۆسىدۇ، سپورىنىڭ شەكلى بىر خىل بولىدۇ. جۇڭگونىڭ شىمالىدىكى ھەرقايسى ئورۇنلارغا تارقىلىدۇ. يول ياقىسى، ئوتلاق، دۆڭلۈك ۋە شالاڭ ئورمانلىقلاردا ئۆسىدۇ. پۈتۈن ئۆسۈملۈك تۈپى دورىغا قوشۇلىدۇ، شامالنى تارقىتىش، ئىسسىقنى قايتۇرۇش، كۆزنى روشەنلەشتۈرۈش رولىنى ئوينايدۇ. ئاساسەن شامالدىن بولغان كۆزدىن ياش ئېقىش، كۆز پەردىسىمان تورلىشىش قاتارلىق كېسەللەرنى داۋالاشقا ئىشلىتىلىدۇ؛ ئۇنىڭدىن باشقا قورۇپ قان توختىتىش، سۈيدۈكنى راۋانلاشتۇرۇپ تەرلىتىش رولىنىمۇ ئوينايدۇ. غولى يەنە مېتال ياكى ياغاچ بۇيۇملارنى سۈرتۈپ پارقىرىتىشقىمۇ ئىشلىتىلىدۇ.