مەشھۇر ئاسار - ئەتىقىلەرنى قەستەن بۇزۇۋېتىش جىنايىتى

جىنايەت ۋە جازا بۇ - دۆلەت قوغداۋاتقان ئاسار - ئەتىقىلەرنى قەستەن بۇزغان ئېغىر قىلمىشنى كۆرسىتىدۇ. 1. ئوبيېكتى - دۆلەتنىڭ مەشھۇر ئاسار - ئەتىقىلەرنى قوغداشنى باشقۇرۇش تۈزۈمى بولىدۇ. 2. ئوبيېكتىپ جەھەتتە قىلمىش سادىر قىلغۇچى ھەر خىل ۋاسىتە، ئۇسۇللارنى قوللىنىپ، مەشھۇر ئاسار - ئەتىقىلەرنى چېقىپ، بۇزۇپ، مەينەت قىلىۋېتىپ، قالايمىقان رەسىم سىزىپ ئېغىر بۇزغۇنچىلىق قىلغان ئېغىر قىلمىشلاردا ئىپادىلىنىدۇ. 3. سۇبيېكتى - ئادەتتىكى سۇبيېكت بولىدۇ. 4. سۇبيېكتىپ جەھەتتە قەستەنلىكتىن شەكىللىنىدۇ. 324 - ماددا 2 - تارماق دۆلەت قوغداۋاتقان ئاسار - ئەتىقىلەرنى قەستەن بۇزغانلاردىن قىلمىشى ئېغىر بولغانلىرىغا بەش يىلدىن تۆۋەن مۇددەتلىك قاماق جازاسى ياكى تۇتۇپ تۇرۇپ ئەمگەككە سېلىش جازاسى بېرىلىدۇ، قوشۇمچە ياكى ئايرىم جەرىمانە قويۇلىدۇ.