مونتېلىئۇس

دۇنيا تارىخى 蒙特柳斯 méng tè liǔ sī (1843 - 1921)، شۋېتسىيىلىك ئارخېئولوگ، تىپشۇناسلىقنىڭ ئاساسچىسى. 1863-يىلى ستوكھولىم دۆلەتلىك تارىخىي مۇېيغا كىرىپ، شىمالىي ياۋروپانىڭ مىس قورال دەۋرىنى تەتقىق قىلىش، قەدىمكى قوراللارنىڭ تەدرىجىي تەرەققىيات رەت تەرتىپىنى تىپلار بويىچە تەتقىق قىلىش ئارقىلىق، تۆت دەۋرگە بۆلۈشتىن ئىبارەت يىلنامە تۈزۈش ئۇسۇلىنى بارلىققا كەلتۈرگەن. كېيىن يەنە گرېتسىيە، ئىتالىيىلەرنىڭ ئەڭ قەدىمكى كلاسسىك مەدەنىيىتىنىڭ يىلنامىسىنى تەتقىق قىلىپ، ئارخېئولوگىيىلىك دەۋرلەرنى بېكىتىشكە تۆھپە قوشقان. 1880-يىلى دۆلەتلىك مۇزېينىڭ پروفېسسورى بولغان، كېيىن يەنە دۆلەتنىڭ قەدىمكى قورال - جابدۇقلار نازارەتچىلىكىگە تەيىنلىنىپ (1907 - 1913)، دۆلەتنىڭ قەدىمكى ئاسار - ئەتقىقىلىرىنى ساقلاش ۋە ئاسراشتا ئاكتىپ رول ئوينىغان. <گېرمانىيىنىڭ شىمالىي قىسمى ۋە سكاندىنوۋىيىنىڭ يىراق قەدىمكى زامان برونزا قورال دەۋرىنىڭ يىللار ئىلمى>، <ئارخېئولوگىيىلىك تەتقىقات ئۇسۇلى> قاتارلىق ئەسەرلىرى بار.