مياۋچىڭ

دۇنيا تارىخى 妙清 miào qīng (؟ -1135) چاۋشيەن كورىيە سۇلالىسى سېگېن توپىلىڭىنىڭ سەردارى، راھىب. كېيىن ئىسمىنى جىڭشىن دەپ ئۆزگەرتكەن. مۇنەججىملىك، جۇغراپىيە ئىلمىگە كامىل، 1126-يىلى (رېنزۇڭنىڭ 4-يىلى) لى زىچيەن، توجۇنجىڭلار توپىلىڭى مەزگىلىدە ياپونىيە ئەمەلدارى خاكوتو بىلەن تىل بىرىكتۈرۈپ، ھاكىمىيەتنى تارتىۋالغان. ئوردا ۋەزىرلىرىنىڭ قوللىشىغا ئېرىشكەن، رېنزۇڭمۇ ئارىسالدى بولۇپ قالغان. 1127-يىلى (رېنزۇڭنىڭ 5-يىلى) ئۇ سېگېنغا بېرىپ، مەمۇرىي ئەمەلدارلار ۋە ھەربىي ئەمەلدارلار، راھىبلارنىڭ كۈچىدىن پايدىلىنىپ تۇجۇنجىڭنى يوقاتقان ھەمدە سېگېندىكى لىنىيۇەن ئۆتىڭىدە يېڭى ئوردا ياساتقان. ۋەزىر كىم پۇسى قاتارلىق كىشىلەر پايتەختنى كۆچۈرۈشكە قارشى تۇرغان. 1135-يىلى 1-ئايدا مياۋچىڭ قاتارلىق كىشىلەر سېگېننى بازا قىلىپ توپىلاڭ كۆتۈرۈپ دۆلەت نامىنى داۋېي، يىل نامىنى تيەنكەي دەپ ئاتاپ، تەڭرى ئەۋەتكەن ساداقەتمەنلەر قوشۇنىنى قۇرۇپ، سېگېن بىلەن كەيجىڭ ئارىلىقىدىكى مۇھىم جاي بالىڭ (خۇاڭخەي بېيداۋدۇيشىڭ ئايمىقى) نى كونترول قىلىۋالغان. كىم پۇسى كەيجىڭ سەركەردىسى بولۇپ جازا يۈرۈشى ئېلىپ بارغان. سېگېندا ئىچكى نىزا يۈز بېرىپ، مياۋچىڭ ئۆلتۈرۈۋېتىلگەن. ئىككىنچى يىلى 2-ئايدا ھۆكۈمەت قوشۇنى سېگېننى ئىشغال قىلىپ، توپىلاڭنى تىنجىتقان.