مالنى مالغا ئالماشتۇرۇش سودىسى

دۇنيا تارىخى 物物交换 wù wù jiāo huàn ئىپتىدائىي ئالماشتۇرۇش شەكلى بولۇپ، مەھسۇلات ئىگىلىرى ئوتتۇرىسىدىكى مالنى مالغا بىۋاسىتە ئالماشتۇرۇشنى كۆرسىتىدۇ. ئۇنىڭ ئالاھىدىلىكى مۇنداق: پۇل بولمىغان ياكى باشقا تەڭ قىممەتتىكى نەرسىلەرنى ۋاسىتە قىلغان؛ ئېلىش بىلەن سېتىش بىرلەشتۈرۈلگەن بولۇپ، ئېلىش - سېتىش دېمەكتۇر، بۇنىڭ ئەكسىچە بولغاندىمۇ شۇنداق. لېكىن بۇنداق ئالماشتۇرۇش چەكلىمىلىككە ئىگە بولۇپ، بىر تەرەپتىكى مەھسۇلاتقا قارشى تەرەپ ئېھتىياجلىق بولمىغان چاغدا، ئالماشتۇرۇشنى ئىشقا ئاشۇرغىلى بولمايدۇ. ئىپتىدائىي جەمئىيەتتە بىرىنچى قېتىملىق ئىجتىمائىي چوڭ ئىش تەقسىماتىدىن ئاۋۋالقى دەسلەپكى ئالماشتۇرۇش شەكلى ئاساسەن قەبىلىلەرنىڭ ئىچكى قىسمىدىكى ئۇرۇقداشلار ئارىسىدا ئالماشتۇرۇش بولغان. بىرىنچى ۋە ئىككىنچى قېتىملىق ئىجتىمائىي چوڭ ئىش تەقسىماتىدىن كېيىن، قەبىلىلەر ئوتتۇرىسىدا ياكى شەخسلەر ئوتتۇرىسىدا چارۋا مال ياكى باشقا مەھسۇلاتلارنى ئومۇمەن تەڭ قىممەتتىكى نەرسە قىلىپ ئالماشتۇرۇش بارلىققا كەلگەن. بۇ مالنى مالغا ئالماشتۇرۇش بولماستىن، بەلكى ۋاسىتلىك ئالماشتۇرۇش دائىرىسىگە مەنسۇپ بولغان. لېكىن مالنى مالغا ئالماشتۇرۇش قوشۇمچە شەكىل ياكى تاسادىپىي ئىستىسنالىق ھادىسە سۈپىتىدە ئۇزاق ۋاقىت مەۋجۇت بولۇپ تۇرغان.