迈锡尼

دۇنيا يەر - جاي ناملىرى mài xī ní مىكىناي دۇنيا تارىخى مىكناي پېلوپوننېس يېرىم ئارىلى (جەنۇبىي يۇنان) نىڭ شەرقىي شىمالىدىكى قەدىمكى شەھەر. ئارگوس چېگرىسى ئىچىدە. رىۋايەتلەردە ئېيتىلىشىچە، باتۇر پېرسېئۇس مىلادىدىن ئىلگىرىكى ⅤⅩ ئەسىرلەردە سالغانىكە. جەنۇب تەرەپتىكى قوشنىسى تىرىنس بىلەن قوشۇلۇپ، ئېگېي مەدەنىيىتىنىڭ مۇھىم خارابىسى (<مېكېناي مەدەنىيىتى> دەپ ئاتىلىدۇ) ھېسابلىنىدۇ. گومېرنىڭ تارىخىي داستانى - <ئىليادا> دا تروياغا يۈرۈش قىلغان يۇنان بىرلەشمە ئارمىيىسىنىڭ قوماندانى ئاگامېمنون مېكىنا پېلوپس خاندانلىقى (ئاخېئولوگىيىدىكى گۈمبەز قەبرە خاندانلىقى) نىڭ پادىشاھى بولغان. 1876 - 1877-يىللىرى گېرمانىيە ئارخېئولوگى شىلېمان ۋە ئۇنىڭدىن كېيىنكى باشقا ئارخېئولوەلار مىكناي خارابىسىنى مۇۋەپپەقىيەتلىك قېزىپ چىقىپ، بىرمۇنچە ئاسار ئەتىقە، ئالتۇن - كۈمۈش ئەسۋابلار (<ئاترېئۇس خەزىنىسى>) گە ئىگە بولغان؛ شەھەرنىڭ شەرقىدىكى مەشھۇر <شىر دەرۋازا> (دەرۋازىنىڭ ئۈچ بۇلۇڭلۇق ماڭلاي تېشىغا ئىكى شىر ئويۇلغان) تاجاۋۇزقىلىپ كىرگۈچىلەردىن مۇداپىئەلىنىدىغان مۇھىم توساق بولغان. مىكناي شەھىرىنىڭ تېپىلىشى يىراق قەدىمكى زامان يۇنان تارىخىنى تەتقىق قىلىش ئۈچۈن قىممەتلىك ماتېرىيال يەتكۈزۈپ بەرگەن.