لومباردىيە ئىتتىپاقى

دۇنيا تارىخى 12 - ئەسىردىن 13 - ئەسىرگىچە، ئىتالىيەنىڭ شىمالىدىكى لومباردىيە رايونىدىكى شەھەرلەرنىڭ مۇقەددەس رىم ئىمپېرىيىسىنىڭ تاجاۋۇزچىلىقىغا قارشى تۇرۇش ئۈچۈن تۈزگەن ئىتتىپاقى. 1167 - يىلى شەكىللەنگەن بولۇپ، 16 شەھەرنى ئۆز ئىچىگە ئالغان. ئاساسلىقلىرى: مىلان، ۋېنېتسىيە، مانتۇيا، ۋېرونا، كرېمونا، ترېۋىزو، فېررارا، برېسىيە، بولگنا قاتارلىقلاردىن ئىبارەت. ئىتتىپاق رىم پاپاسى ۋە سىتسىلىيە كورۇلىنىڭ قوللىشىغا ئىگە بولغان. 1761 - يىلى 5 - ئايدا لېنانو ئۇرۇشىدا ئىتتىپاقداشلار ئارمىيىسى مۇقەددەس رىم ئىمپېرىيىسى پادىشاھى فرېدرىخ Ⅰ (قىزىل ساقال) نى مەغلۇپ قىلغان. 1183 - يىلى ئىككى تەرەپ <كۆزېتسىكى سۈلھ شەرتنامىسى>نى ئىمزالاپ، فرېدرىخ Ⅰ ئىتتىپاقتىكى شەھەرلەرنىڭ ئاپتونومىيە ھوقۇقىدىن بەھرىمەن بولۇشنى ئېتىراپ قىلغان. ئىتتىپاق 12 - ئەسىرنىڭ ئاخىرلىرىدا تارقىتىۋېتىلگەن. 1226 - يىلى، مۇقەددەس رىم ئىمپېراتورى فرېدرىخ Ⅱ نىڭ شىمالىي ئىتالىيىگە قىلغان تاجاۋۇزىغا قارشى تۇرۇش ئۈچۈن مىلان باشچىلىقىدىكى بەزى شەھەرلەر قايتىدىن ئىتتىپاق تۈزگەن. 1237 - يىلى 11 - ئايدا ئىتتىپاق ئارمىيىسى مەغلۇپ قىلىنىپ، ئىتتىپاق ئاخىر پارچىلىنىپ كەتكەن.