كۈچ ئۇلاپ يۈگۈرۈش

تەنتەربىيە تۈرلىرى كۈچ ئۇلاپ يۈگۈرۈش يېنىك ئاتلېتىكا مۇسابىقىسىدىكى بىردىنبىر كوللېكتىپ تۈر بولۇپ، تۆت ئادەم يول ئايرىمىسى بويىچە ئوخشاش ئارىلىقتىن كۈچ ئۇلاش تايىقىنى يەتكۈزۈش ئارقىلىق، كوللېكتىپنىڭ تىرىشچانلىقىنى غەلىبىگە يەتكۈزىدۇ. كۈچ ئۇلاپ يۈگۈرۈش ئافرىقا قىتئەسىدىكى يەرلىكلەرنىڭ يۈك يۆتكەش ئويۇنىدىن بارلىققا كەلگەن، ياۋروپاغا تارقالغاندىن كېيىن، كىشىلەر نەچچە ئون كىلوگرام ئېغىرلىقتىكى يۈكنى ئاددىيلاشتۇرۇپ بىر تال تاياققا ئۆزگەرتكەن، مانا بۇ ھازىرقى مۇسابىقىلەردە قوللىنىلىۋاتقان كۈچ ئۇلاش تايىقىدۇر. كۈچ ئۇلاش نەتىجىسىنىڭ ياخشى - يامان بولۇشى ھەربىر ئەزانىڭ يۈگۈرۈش سۈرئىتىگە مۇناسىۋەتلىك بولۇپلا قالماي، تېخىمۇ مۇھىمى ئەزالار ئوتتۇرىسىدىكى زىچ ماسلىشىش ۋە تاياق بېرىش - ئېلىش تېخنىكىسىدا ئىپادىلىنىدۇ. كۈچ ئۇلاش تۈرلىرى كۆپ بولۇپ، رەسمىي مۇسابىقە تۈرى قىلىنغان100 ×4 مېتىر ۋە400 ×4 مېتىردىن باشقا، يەنە ئاممىۋى تەنتەربىيە پائالىيەتلىرىدىكى كوللېكتىپ كۈچ ئۇلاش، ئۇدۇلدىن كۈچ ئۇلاش ۋە ئوخشاشمىغان مۇساپىلىك كۈچ ئۇلاش قاتارلىقلار بار.1977 - يىل10 - ئايدا دۇنيا بويىچە ئادەم سانى ئەڭ كۆپ، ئارىلىقى ئەڭ ئۇزۇن بولغان كۈچ ئۇلاپ يۈگۈرۈش نورۋېگىيىنىڭ تروند خېيم شەھىرىدە ئۆتكۈزۈلگەن، ئۇنىڭغا1607 ئادەم قاتناشقان، مۇساپىسى10 مىڭ كىلومېتىر بولغان.