كوممۇنىزملىق ئالاقىلىشىش كومىتېتى

دۇنيا تارىخى 共产主义通讯委员会 gòng chǎn zhǔ yì tōng xùn wěi yuán huì ماركىس، ئېنگلېس 1846 - يىلنىڭ بېشىدا بېلگىيىنىڭ بريۇسسېل شەھىرىدە قۇرغان كوممۇنىزملىق تەشكىلات. كوممۇنىزملىق كىچىك گۇرۇپپىلار ئاساسىدا كېڭىيىپ بارلىققا كەلگەن. ئەزالىرىنىڭ كۆپ قىسمى گېرمانىيىلىك سوتسىيالىزمچىلار ۋە ئىنقىلابچىلار. ماركىس، ئېنگلېس ۋە فىلىپ گىگوت (1820 - 1860) دائىمىي ئىشلار كومىتېتىغا سايلانغان. شۇنىڭ بىلەن بىللە، پارىژ، ھامبۇرگ، لېيپسىگ قاتارلىق جايلاردا ياچېيكىلىرى قۇرۇلغان. بۇ تەشكىلات يازما مۇھاكىمە يۈرگۈزۈش ۋە قەرەللىك ئالاقىلىشپ، تۇرۇش ئارقىلىق، ئىلمىي كوممۇنىزم ئىدىيىسىنى تارقىتىپ، بۇرژۇئازىيە ۋە ئۇششاق بۇرژۇئازىيەنىڭ ھەرخىل سوتسىيالىتىك ئېقىملىرىنى تەنقىد قىلىپ، ھەرقايسى ئەللەر سوتىسيالىزمچىلىرى ۋە ئىشچىلار تەشكىلاتلىرىنىڭ مۇناسىۋىتىنى كۈچەيتىپ، ياۋرۇپا ئىشچىلار تەشكىلاتلىرىنىڭ تەرەققىياتىدا زور رول ئوينىغان. 1847 - يىلى كوممۇنىزمچىلار ئىتتىپاقى قۇرۇلغاندىن كېيىن، بۇ كومىتېت پائالىيىتىنى توختاتقان.