خوتەن ۋىلايەتلىك مائارىپ كومىتېتى

شىنجاڭ مائارىپى مائارىپ ئاپپاراتلىرى خوتەن ۋىلايەتلىك مائارىپ باشقارمىسى دەپمۇ ئاتالغان. 1938 - يىلى 3 - ئايدا خوتە ۋىلايەتلىك مائارىپ ئىدارسى قۇرۇلغان. بىر نەپەر ئىدارە باشلىقى. بىر نەپەر مۇئاۋىن ئىدارە باشلىقى، بىر نەپەر بۆلۈم باشلىقى، ئىككى نەپەر بۆلۈم ئەزاسى، ئىككى نەپەر كاتىپ، يەنە ئۈچ نەپەر قارا خىزمەتچى ۋە بىر نەپەر ھارۋىكەش قاتارلىقلار بولۇپ، جەمئىي 11 نەپەر ئادەم سەپلەنگەن. 1938 - يىلدىن كېيىن خوتەندە ئىككى خىل مەكتەپ تۈزۈمى شەكىللەنگەن ناھىيە قۇرغان مەكتەپلەر مائارىپ ئىدارىسىغا بىۋاستە قاراشلىق بولغان، مەكتەپ مەبلىغىنى دۆلەت مالىيە باشقارمىسى ئۈستىگە ئالغان. 1944 - يىلى ۋىلايەتلىك مائارىپ ئىدارىسى بۇرۇنقى مەمۇرىي مەھكىمە بىناسىغا كۈچۈپ كىرىپ، خوتەن مەمۇرىي مەھكىمە مائارىپ باشقارمىسى دەپ ئۆزگەرتىلگەن. 1950 - يىلى 4 - ئايدا ۋىلايەتلىك مائارىپ باشقارمىسى مەدەنىيەت مائارىپ بۆلۈمىگە ئۆزگەرتىلگەن. ئىشچى - خىزمەتچىسى سەككىز نەپەر بولۇپ، پۈتۈن ۋىلايەتتىكى ھەرقايسى ناھىيىلەرنىڭ مەدەنىيەت مائارىپ خىزمىتىگە يېتەكچىلىك قىلغان. 1938 - يىلى 9 - ئايدا يەنە ۋىلايەتلىك مەدەنىي مائارىپ سەھىيە بۆلۈمى دەپ ئۆزگەرتىلگەن. 1960 - يىلى مەمۇرىي مەھكىمە مائارىپ ئىشخانىسىغا ئۆزگەرتىلگەن. 1196 - يىلى 8 - ئايدا مەدەنىي مائارىپ، سەھىيە، تەنتەربىيە، پەن - تېخنىكا ئىشخانىلىرى بىرلەشتۈرۈلۈپ قۇرۇلغان. 1977 - يىلى 4 - ئايدا مەدەنىيەت مائارىپ ئىدارىسىغا ئۆزگەرتىلگەن. 1985 - يىلى ۋىلايەتلىك مائارىپ باشقارمىسى قۇرۇلغان. 1999 - يىلى 8 - ئايدا خوتەن ۋىلايەتلىك مائارىپ كومىتېىغا ئۆزگەرتىلىپ، قارمىقىدا كومىتېت ئىشخانىسى، كادىرلار سىياسىي خىزمەت بۆلۈمى، ئاساسىي مائارىپ بۆلۈمى، چوڭلار مائارىپ بۆلۈمى، ئوقۇغۇچى قوبۇل قىلىش ئىشخانىسى، مۇپەتتىش ئىشخانىسى، مالىيە پىلان بۆلۈمى، تىرىشچانلىق بىلەن ئىشلەپ ئىقتسادچانلىق بىلەن مەكتەپ قۇرۇش ئىشخانىسى، ئوقۇتۇش ئۈسكۈنىلىرى پونكىتى، ئېلېكترلەشكەن مائارىپ پونكىتى قاتارلىق ئىشخانا، بۆلۈملەر تەسىس قىقلىنغان. ئىشچى - خىزمەتچىلەر سانى 97 نەپەر.