كاتوخىرويۇكى

دۇنيا تارىخى (1836 - 1916) ياپونىيىلىك سىياسىئون. قانۇن ۋە ئەدەبىيات دوكتۇرى. ياش ۋاقتىدا ساكۇما شوزو (1811 - 1864)نى ئۇستاز تۇتۇپ، ھەربىي ئىلىم ۋە چەت ئەل بىلىملىرىنى ئۆگەنگەن. كېيىن شوگناتنىڭ چەت ئەل تىلى ئوقۇتقۇچىسى بولۇپ، غەربنىڭ سىياسىي ۋە قانۇنلىرىنى ئۆگەنگەن. يېڭىلىققا كۆچكەندىن كېيىن، ئۇنىۋېرسىتىتنىڭ باش نائىبى، ئىجتىمائىي پەنلەر باشقارمىسىنىڭ باش نائىبى، توكيو ئىمپېرىيە ئۇنىۋېرسىتىتىنىڭ مۇدىرى، ئىمپېرىيە ئالىملار يۇرتىنىڭ مۇدىرى بولغان، پەلسەپە، قانۇن، سىياسىي ۋە بىئولوگىيە پەنلىرىنى تەتقىق قىلغان. مېيجىنىڭ دەسلەپكى يىللىرىدا، تەبىئىي كىشىلىك ھوقۇقىنى تەكىتلەپ، ئاساسىي قانۇنچىلىقنى تەشەببۇس قىلغان. لېكىن ئەركىن خەلق ھوقۇقى ھەرىكىتى مەزگىلىدە، خەلق سايلىمى پالاتاسىنى قۇرۇشقا قارشى تۇرۇپ، ئوئى كېنتارو بىلەن بەس - مۇنازىرە قىلىشقان. كېيىن دۆلەت ئورگانىزمى نەزەرىيىسىنى تەرغىپ قىلىپ، تېننو ئورگان تەلىماتىنى ئىنكار قىلغان. ئۇنىڭ <ھەقىقىي سىياسىنىڭ ئومۇمىي مەزمونى>، <دۆلەت تۈزۈلمىسى توغرىسىدا يېڭى نەزەرىيە>، <كىشىلىك ھوقۇقى توغرىسىدا يېڭى تەلىمات>، <كۈچلۈكلەرنىڭ ھوقۇق تالىشىشى>، <ئەخلاقىي قانۇننىڭ تەدرىجىي تەرەققىياتنىڭ قائىدىلىرى>، <تەبىئەت ۋە ئېتىكا>، <دۆلەتنىڭ ھۆكۈمرانلىق ھوقۇقى توغرىسىدا> قاتارلىق ئەسەرلىرى بار.