جونېس

دۇنيا تارىخى (1819 - 1869)، ئەنگلىيە ئاساسىي نىزامچىلار ھەرىكىتىنىڭ سولقانات داھىيىلىرىنىڭ بىرى، شائىر. گېرمانىيىنىڭ بېرلىن شەھىرىدە تۇغۇلغان. ياش ۋاقتىدىلا ماركس، ئېنگېلسلار بىلەن تونۇشۇپ، ئۇلارنىڭ بىۋاسىتە ياردىمى ۋە تەسىرىگە ئۇچرىغان ھەمدە <كوممۇنىزمچىلار ئىتتىپاقى> غا كىرگەن. 1846 - يىلى ئاساسىي نىزامچىلار ھەرىكىتىگە قاتنىشىپ، سولچى داھىيىلىرىنىڭ بىرىگە ئايلانغان. <قۇتۇپ يۇلتۇزى> قاتارلىق گېزىت - ژۇرناللارنىڭ باش مۇھرىرى بولغان. 1848 - 1850 - يىللاردا ۋەتەندە ئاسىيلىق قىلغان دەپ قارىلىنىپ، تۈرمىگە سولانغان. ئاساسىي نىزامچىلار ھەىركىتى تۇرغۇنلۇق ھالىتىگە پەسەيگەندىن كېيىن، بۇرژۇئازىيە رادىكاللىرى بىلەن مۇرەسسەلەشكەن. 60-يىللاردا بىرىنچى ئىنتېرناتسىئونالغا قاتنىشىپ، ماركس تەرەپتە تۇرغان. ئەنگلىيە ئىشچىلىرىنىڭ تۇرمۇشىنى ئەكس ئەتتۈرىدىغان نۇرغۇن شېئىر ۋە ھېكايىلەرنى يېزىپ، كاپىتالىزم تۈزۈمىنىڭ جىنايىتىنى پاش قىلغان. ئاساسلىق شېئىرلىرى< تۆۋەن قاتلام سىنىپىنىڭ ناخشىسى>، <ياللانما دېھقان ناخشىسى>، <ئىشچىلار ناخشىلىرى>، <ھىندىستان قوزغىلىڭى ياكى يېڭى دۇنيا> قاتارلىقلاردىن ئىبارەت.