脊索

تېببىي jǐ suǒ خورداDئۇنىۋېرسال jǐ suǒ خوردا Dئادەم ئاناتومىيىسى jǐ suǒ يۇلۇن تانىپى بىئولوگىيە خوردا خوردىلىق ھايۋانلار تېنىدىكى نېرۋا نەيچىسى ۋە ھەزىم قىلىش نەيچىسى ئارىلىقىدىكى بىر تال تاياقسىمان تۈزۈلۈش بولۇپ، تۆرەلمە دەسلەپكى ئۈچىيىنىڭ دۈمبە تەرىپىدىن بىر قىسىم ھۈجەيرىلەرنىڭ ئايرىلىپ چىقىشىدىن شەكىللەنگەن. بۇنداق ھۈجەيرىلەرنىڭ ئىچىدە ۋاكۇئولىلار كۆپ. ھۈجەيرە سۇيۇقلۇقى كۆپەيگەندە خوردىسى مەزمۇت ھەم ئېلاستىك بولۇپ، بەدىنىگە تىرەك بولىدىغان ئىسكىلىتلىق رول ئوينىيالايدۇ. خوردىنىڭ سىرتقى ئەتراپىدا خوردا غىلىپى بولۇپ، خوردىنىڭ تىرەكلىك كۈچىنى ئاشۇرىدۇ. دەسلەپكى خوردىلىق ھايۋانلاردا ئاسىدىيىنىڭ بالا تېنىدە ۋە زىخچە بېلىقىنىڭ پۈتۈن ئۆمرىدە خوردا ساقلىنىدۇ. ئومۇرتقىلىق ھايۋانلارنىڭ خوردىسى پەقەت تۆرەلمىلىك تەرەققىيات جەريانىدىلا كۆرۈلىدۇ، كېيىن ئومۇرتقىغا ئالمىشىدۇ. يۇمىلاق ئېغىزلىقلار ۋە ئاز ساندىكى بېلىقلار (مەسىلەن، ئۆپكىلىك بېلىق قاتارلىقلار) نىڭ تېنىدە خوردىنىڭ قالدۇقى ساقلانغان بولىدۇ. ھەرخىل خوردىلىق ھايۋانلارنى ئەتراپلىق كۆزەتكەندە خوردىنىڭ خوردىلىق ھايۋانلارنىڭ ئاساسلىق ئالاھىدىلىكلىرىدىن بىرى ئىكەنلىكى، ئوتتۇرا ئوق ئىسكىلىتىنىڭ ئەڭ ئىپتىدائىي قىسمىدىن ئىبارەت ئىكەنلىكىگە ھۆكۈم قىلىشقا بولىدۇ.