يەكەن پېداگوگىكا مەكتىپى

شىنجاڭ مائارىپى پېداگوگىكا مائارىپى 1944 - يىلى 8 - ئايدا يەكەن ناھىيىسىدە قۇرۇلغان. سابىق شىنجاڭ ئۆلكىلىك ھۆكۈمەتكە قاراشلىق بولۇپ، دەسلەپكى مەكتەپ نامى شىنجاڭ ئۆلكىلىك يەكەن تولۇقسىز پېداگوگىكا مەكتىپى ئىدى. 1954 - يىلى مەكتەپ نامى شىنجاڭ يەكەن باشلانغۇچ پېداگوگىكا مەكتىپ دەپ ئۆزگەرتىلگەن. 1957 - يىلى شىنجاڭ يەكەن پېداگوگىكا مەكتىپى دەپ ئۆزگەرتىلىپ، قەشقەر ۋىلايىتىدىكى ھەرقايسى ناھىيىلەردىن ئوقۇغۇچى قوبۇل قىلىشقا يۈزلەنگەن. ئوقۇش مۇددىتى ئۈچ يىل، ئۇيغۇر تىلىدا ئوقۇتۇش ئېلىپ بارىدۇ. 1988 - يىلى مەملىكەتلىك مائارىپ كومىتېتى تەرىپىدىن مەملىكەتلىك مۇنەۋۋەر پېداگوگىكا مەكتىپى دەپ باھالانغان. پېداگوگىكا ۋە خەنزۇ تىلىدىن ئىبارەت ئىككى كەسىپ تەسىس قىلىنغان. بۇ ئورۇننىڭ شتاتى 145 نەپەر، 1999 - يىلى كەسپىي ئوقۇتقۇچىلارنىڭ سانى 98 نەپەرگە (ئالىي دەرىجىلىك لېكتور سەككىز نەپەر، لېكتور 46 نەپەر، ياردەمچى لېكتور 43 نەپەر) مەكتەپتىكى ئوقۇغۇچىلار 1435 نەپەرگە يەتكەن. مەكتەپنىڭ يەر كۆلىمى 39960كۋادرات مېتىر، ئوقۇتۇش بىناسىنىڭ كۆلىمى 4160 كۋادرات مېتىر. كۇتۇپخانىدا ساقلىنىۋاتقان كىتاب 40 مىڭ پارچە بولغان. مەكتەپ قۇرۇلغاندىن بۇيان 13560 نەپەر باشلانغۇچ، ئوتتۇرا مەكتەپ ئوقۇتقۇچىسى تەربىيىلەنگەن.