ياش

ئاھاڭداش سۆزلەر ئىسىم. يىغلىغاندا، ھاياجانلانغاندا ۋە شامالدىغاندا كۆزدىن چىقىدىغان سۇيۇقلۇق كۆز يېشى. كۆز يېشى قىلماق. * كۆزىگە ياش ئالماق.* يېشى قۇرۇماسلىق. * يېشىنى ئىچىگە يۇتماق. * ياش تۆككۈچە، مۇشت تۈگ (ماقال). ئاھ ئۇرارمەن، ئاھ ئۇرارمەن، ئاھلىرىم تۇتقاي سېنى. كۆز يېشىم دەريا بولۇپ، بېلىقلىرىم يۇتقاي سېنى. ئاھاڭداش سۆزلەر ئۆمۈرنىڭ ھەر يىللىق سانى. ياش - قۇرام. يېشىڭ قانچە؟ مەن بۈگۈن - 1992 - يىل 29 - سېنتەبر 67 ياشقا كىردىم. * غۇلام ئاكام مەندىن تۆت ياش چوڭ. * ياش قېرىتماس، دەرد قېرىتار (ماقال). ئاھاڭداش سۆزلەر سۈپەت. 1. ئۆمۈر كۆرگەن ۋاقتى نىسبەتەن ئاز. ئانتونىمى: قېرى، بوۋاي. ياش يىگىت. * ياشلىق، ياشلار. * بىلىم ئالمىغان ياش - تام تۈۋىدىكى تاش (ماقال). * ياش كەلسە ئىشقا، قېرى كەلسەئاشقا (ماقال). * ياش قوماچقا ئامراق، قېرى ئۇماچقا (ماقال). * ھېچكىم ئىككى قېتىم ياش بولماس. * ياش يۇشۇغانغا ياش بولماس (ماقال). 2. يېشى كىچىك («ياشⅡ »). ئۇ تېخى ياش. * ياش ئىشچى. * ياش مال. * ياش كۆچەت. مەنىداش سۆزلۈكلەر ئوتياشنىڭ بىر خىلى. كۆكى ئۇچلۇق ۋە ياپىلاق كېلىدۇ، بېشى توپا ئاستىدا بولىدۇ. چامغۇرنىڭ تەبىئىي ھۆل ئىسسىق، ئۇنىڭ ئۆزىگە قارىغاندا كۆكىدە ئوزۇقلۇق ماددىلار كۆپ بولىدۇ. چامغۇر ئۇيغۇرلار ئۈچۈن ئاساسىي كۆكتات. چامغۇر بولمىغان بولسا، زاغرا يەپ، ئوماچ ئىچىدىغان بىچارىلەرنىڭ كۆپچىلىكىنى قارا تەمرەتكە بېسىپ كەتكەن بولاتتى. مەنىداش سۆزلۈكلەر يېيىشكە بولىدىغان سامان غوللۇق ئۆسۈملۈك. <سەي> خەنزۇچە 菜 <سەبز> كىتابىي سۆز. قۇشناچىمنىڭ ئېشىنى ئوخشاتقان موللامنىڭ ئوتيېشى. بۇ يىل كۆكتات مول، كۆكتات بازىرى ئاۋات بولدى. ئېشىڭدا ياش بولسا، ياشمەن دەۋەر. ئاشنىڭ كۆكىنى ئىلغىۋېتىش يامان ئادەت. سەي باھاسى تۇراقلىق تۇرۇۋاتىدۇ. مەنىداش سۆزلۈكلەر 14 ياشتىن 30 ياشقىچە بولغان يىگىت - قىز. <ئۆسمۈر> تېخىمۇ كىچىك، 14 - 16 ياشلاردا بالا. <نۆۋەر>، <نەۋقىران> لار كىتابىي سۆزلەر، كەم ئىشلىتىلىدۇ. ياش كەلسە ئىشقا، قېرى كەلسە ئاشقا. ياشتىن خاتالىق ئۆتسە، قېرىدىن ئۆزرە - ئەپۇ كەلسۇن. نۆۋەر چېغىڭنى بىكار ئۆتكۈزمە، ئاسرا. نەۋقىران چاغلار قېرىغاندا ئەسلەشكىلا قالمىسۇن. ئۆسمۈرنىڭ يولى ئۇزۇن. ياش - ئۆسمۈرلەر ۋەتەننىڭ كېلەچىكى، مىللەتنىڭ ئۈمىدى. شىۋىلەر قۇمۇل شىۋىسى چامغۇر. مەسىلەن: مۇزلاپ ئېرىگەن ياشنى، توغراپ سالامدۇ ئاشقان. بىرلا كەلگەن دۆلىتىم، يېنىپ كېلەمدۇ باشقا. تۈركىي تىللار دىۋانى سۆزلۈكلىرى ئوتياش، كۆكتات. ياش ئوت _ يېڭى ۋە ياش ئوت. بۇ سۆز « ياش يۇش» شەكلىدە جۈپ سۆز قىلىپمۇ ئىشلىتىلىدۇ. 3 - 2 تۈركىي تىللار دىۋانى سۆزلۈكلىرى ياش، كۆز يېشى. كۆزۈم ياشى ئاقدى _ كۆزۈم يېشىم ئاقتى. 3 - 218 تۈركىي تىللار دىۋانى سۆزلۈكلىرى ياش، ئوتياش، كۆكتات. ياش يېدىم _ ئوتياش يېدىم. 3 - 218 تۈركىي تىللار دىۋانى سۆزلۈكلىرى ياش، يېڭى. ياش ئەت _ ياش گۆش. 3 - 218 قەدىمكى ئۇيغۇر تىلى سۆزلۈكلىرى خاس ئىسىم قەدىمكى ئۇيغۇر تىلى سۆزلۈكلىرى ياش، كۆز يېشى قەدىمكى ئۇيغۇر تىلى سۆزلۈكلىرى ياش؛ ياش ئەر - ياش ئادەم قەدىمكى ئۇيغۇر تىلى سۆزلۈكلىرى زىيان، زەرەر ئۇيغۇر تىلى ئۇنۋېرسال سۆزلۈكلەر سۈپەت قېرى ئەمەس، نەۋقىران. ياش ئادەم، ياش ئايال. ياش ۋاقىتتا قىلغان ئىبادەت تاشقا مۆھۈر باسقاندەك (ماقال). مەن ئۇلارغا قارىدىم، ئالدىمدا مېنىڭ مەھەللىكلىرىمدىن ياش، قېرى بولۇپ ئوتتۇزچە كىشى تۇراتتى. سۈيى قۇرۇمىغان، نەملىكى تارقالمىغان؛ يېڭى. ياش كۆكتات. بالاغەتكە يەتمىگەن، يېتىلمىگەن. ياش بالا، ياش قىز. تەشۋىقىي - تەربىيىدە پارتىيە - ئىتتىپاق ئەزالىرىنى ۋە باش - ئۆسمۈرلەرنى مۇھىم نۇقتا قىلىش لازىم. ياشلىققا، ياشلىق دەۋرگە خاس. ياش كۈچ. ياش كۆڭۈل. كۆچمە. يېتەرلىك تەجرىبىگە ئىگە بولمىغان، تەجرىبىسىز. — سەن تېخى ياش، ھېچ ئىش كۆرمىگەن. تاغنىڭ ئىچىگە ئاپىرىپ باقىمەن دەپ بۆرە - ئېيىقلارغا يەم بولۇپ يۈرمىگىن، يەنە،— دېدى ياشانغان بىرى. كۆچمە. يېڭىدىن پەيدا بولغان، يېڭىدىن بارلىققا كەلگەن، تارىخى ئانچە ئۇزۇن بولمىغان. فولكلور ئىلمى ھەقىقەتەن ياش بىر پەن بولسىمۇ، لېكىن ئۇنىڭ ھاياتىي كۈچى زور بولۇپ، ئىنسانىيەتنىڭ ئالغا بېسىشى ۋە جەمئىيەت ئۆزگىرىشىنىڭ ئېھتىياجىغا ماسلىشىپ، تېخىمۇ كەڭ ئومۇملۇققا ئىگە بولماقتا. كۆچمە. يېڭى تەشكىللەنگەن، مۇستەھكەملەنمىگەن. ياش تەشكىلاt، ياش دۆلەت، ياش پارتىيە. كۆچمە. يېڭىدىن بەرپا قىلىنغان، تىكىلگەن. ياش كۆچەت. ئۇيغۇر تىلى ئۇنۋېرسال سۆزلۈكلەر ئىسىم ئېغىر قايغۇ ياكى زور خۇشاللىق نەتىجىسىدە كۆزنىڭ ياش بەزلىرىدىن ئاجرىلىپ چىقىدىغان رەڭسىز سۇيۇقلۇق. ياش تۆكمەك، ياش چىقماق. ئۇ يىغلىغان بولسا كېرەك، قاپاقلىرى ئىششىغان ۋە كۆزلىرى ياش يۇقى ئىدى. ئۇيغۇر تىلى ئۇنۋېرسال سۆزلۈكلەر ئىسىم تۇغۇلغان ۋاقىتتىن باشلاپ ھايات كەچۈرگەن، ياشىغان يىللارنىڭ سانى؛ ئۆمۈر ئۇزاقلىقى. ئەقىل ياشتا ئەمەس، باشتا (ماقال). * يېشى ھەممىدىن چوڭراق، ئۇزۇن كەكە ساقال، ئاق يۈزلۈك، ئورۇقراق كەلگەن بىرسى سۆز باشلىدى. ئۇيغۇر كىشى ئىسىملىرى قىز - ئاياللارغا خاس ئىسىم ياش، يېڭى