ھۈجەيرىنىڭ سىرتقى يۈزى

ھۈجەيرىنىڭ سىرتقى قەۋىتىگە يېقىن قىسمى بولۇپ، سىتوپلازمىنىڭ سىرتقى قەۋىتىدىن دىففېرېنسىيىلىنىدۇ، ئۇ ھۈجەيرىنىڭ سىرتقى ئورىغۇچىسى، پلازما پەردىسى ۋە پلازما پەردىسىنىڭ ئاستىغا يېقىن بولغان ئېرىگەن كوللوئىد ھالىتىدىكى سىتوپلازمىدىن تۈزۈلىدۇ، ئىلگىرى كۆزىتىش قوراللىرى مۇكەممەل بولمىغانلىقتىن، پەقەت ئۆسۈملۈك ۋە باكتېرىيە ھۈجەيرە پەردىسىنىڭ سىرتىدا قوشۇمچە تۈزۈلۈشى - ھۈجەيرە پوستى بولىدۇ، دەپ قاراپ، بۇنى ھۈجەيرىنىڭ سىرتقى يۈزى دەپ ئاتاپ كەلگەنىدى. يېڭى تېخنىكىنىڭ قوللىنىلىشى بولۇپمۇ ئېلېكترونلۇق مىكروسكوپ تېخنىكىسىنىڭ قوللىنىشىغا ئەگىشىپ، ھايۋان ھۈجەيرە پەردىسىنىڭ سىرتىدىمۇ بىر قەۋەتلىك تۈزۈلۈشنىڭ بارلىقى بايقالدى ھەمدە بۇ تۈزۈلۈشلەر بىلەن ھۈجەيرە پەردىسى ۋە ھۈجەيرە پەردىسىگە يېقىن يېلىم قىسىمىدىن ئىبارەت ئۈچىسىنىڭ تۈزۈلۈش ۋە فۇنكىسىيە جەھەتتە مۇكەممەل بىر گەۋدە ئېتىراپ قىلىندى، شۇڭلاشقا پلازما پەردىسى (ھۈجەيرە پەردىسى) نىڭ سىرتقى تۈزۈلۈشى، پلازما پەردىسىنىڭ ئاستىدىكى يېلىمىنى بىرىكتۈرۈپ، ھۈجەيرىنىڭ سىرتقى يۈزى دەپ ئاتالدى. پلازما پەردىسىنىڭ سىرتىدىكى تۈزۈلۈش ھۈجەيرە سىرتىدىكى ئورىغۇچىسى دەپ ئاتىلىدۇ، ئۇ ئۆسۈملۈك ۋە باكتېرىيە ھۈجەيرە پوستى، ھايۋان ھۈجەيرىسىنىڭ سىرتىدىكى قەنتلىك ئورىغۇچىسى قاتارلىقلارنى ئۆز ئىچىگە ئالىدۇ. پلازما پەردىسىنىڭ ئاستىدىلا بىر قەۋەت تۈزۈلۈشسىز ئېرىگەن كوللوئىد (ئېمىتكۈچىلەرنىڭ ھۈجەيرىسىدە تەخمىنەن 1.0 ～ 0.2 مىكرومېتر بولىدۇ) بولۇپ سىتوپلازما يېلىمى دەپ ئاتىلىدۇ. ھۈجەيرىنىڭ سىرتقى يۈزىنىڭ فۇنكىسىيىسى مۇرەككەپ بولىدۇ، ھەر قايسى قىسىملىرىنىڭ فۇنكىسىيىسىمۇ ئوخشىمايدۇ، ئۆسۈملۈك ۋە باكتېرىيىلەرنىڭ ھۈجەيرە پوستى ئاساسەن قوغداش ۋە ھۈجەيرىنىڭ شەكلىنى ساقلاش رولىنى ئوينايدۇ، ھايۋانلارنىڭ قەنتلىك ئورىغۇچىسى قوغداش، مولېكۇلىلارنى پەرق ئېتىش قاتارلىق فۇنكىسىيىلەرگە ئىگە. ھەر خىل ھۈجەيرىلەرنىڭ پلازما پەردىسىنىڭ ماددا ئالمىشىش، ئۇچۇر يەتكۈزۈش، مېتابولىزمنىڭ تەڭشىلىشى قاتارلىق جەھەتلەردە مۇھىم رولى بولىدۇ. ئېرىگەن سىتوپلازما كوللوئىد پلازما پەردىسى فۇنكىسىيىسىنىڭ ئەمەلگە ئېشىشىدا بەلگىلىك رول ئوينىشى مۇمكىن.