ھەقىقىي يادرولۇق جانلىق ئورگانىزم

بىئولوگىيە يەككە تېنى ھەقىقىي يادرولۇق ھۈجەيرىدىن تۈزۈلگەن ھەر خىل ھايۋان ۋە ئۆسۈملۈكلەرنى ئۆز ئىچىگە ئالغان زور بىر تۈركۈم جانلىق، ئىپتىدائىي يادرولۇق جانلىقلاردىن باشقا، جانلىقلار دۈنياسىدىكى بارلىق جانلىقلار يادرولۇق جانلىقلارغا كىرىدۇ. ھەقىقىي يادرولۇق جانلىقلاردا تىپىك ھۈجەيرە تۈزۈلۈشى، روشەن ھۈجەيرە يادروسى بولىدۇ، يادرو ماددىسى ئەتراپىدا يادرو پەردىسى بولۇپ، ئۇنى ستوپلازمىدىن ئايرىپ تۇرىدۇ. خروموسومىسى نۇكلېئىك كىسلاتا ۋە ئاقسىلدىن تۈزۈلىدۇ. سىتوپلازمىسىدا ئوخشاش بولمىغان فۇنكىسىيىلەرنى ئېلىپ بارىدىغانم ھۈجەيرە ئاپپاراتلىرى بولىدۇ. مەسىلەن، خوندرىئوسوما، پلاستىد قاتارلىقلار. بەزىلىرىدە يەنە تۈزۈلۈشى مۇرەككەپ بولغان قىل ئايىغى بولىدۇ.