海带

لامىنارىيە قوڭۇر يۈسۈنلەر تىپى، لامىنارىيە ئائىلىسىگە كىرىدۇ. يۈسۈن تېنى قوڭۇر بولۇپ، ئۇزۇنلۇقى 2 - 4 مېتىر، بەزىدە يەتتە مېتىرغا يېتىدۇ. يېپىشىش ئورگىنى، ساپ قىسمى ۋە يوپۇرماق ئالىقىنىدىن ئىبارەت ئۈچ قىسىمدىن تۈزۈلىدۇ. يېپىشىش ئورگىنى ئاچىماقسىمان شاخلىنىپ ئاساسىي ماددىلر ئۈستىگە مۇقىملىشىدۇ؛ ساپ قىسمى قىسقا، توم سىلىندىرسىمان ياكى ئازراق ياپىلاق بولۇپ، تەخمىنەن 5 - 6 سانتىمېتىر كېلىدۇ؛ يوپۇرماق ئالىقىنى پىشقاندا كەڭلىكى 25 سانتىمېتىر، ئۇزۇنلۇقى 2 - 6 مېتىر، قېلىنلىقى تەخمىنەن 2 - 5 مىللىمېتىر كېلىدۇ، ياپىلاق تاسمىسىمان بولىدۇ. ئۆسۈش نۇقتىسى يوپۇرماق ئالىقىنىنىڭ ساپقا يېقىن ئورنىغا جايلاشقان بولۇپ، ئارىلىقتىن ئۆسىدۇ. لامىنارىيىنىڭ ھايات تارىخىدا غەيرىي ئوخشاش تىپلىق دەۋر ئالمىشىش بولىدۇ. سىپوروفىتى تەرەققىي قىلغان بولۇپ، دائىم كۆرۈلىدىغان تېنى سپورىلىق تەندىن ئىبارەت، گامېتوفىتى ئىنتايىن كىچىك بولۇپ، ئاددىي كۆز بىلەن پەرق ئەتكىلى بولمايدۇ. ئەسلى ياپونىيىدە سوغۇق دېڭىز خاراكتېرىدىكى تۈرلىرى ئىشلەپچىقىلاتتى. دۆلىتىمىز پەن - تېخنىكا خادىملىرى تىرىشچانلىق كۆرسىتىپ، تۆۋەن تېمپېراتۇرىدا مايسا ئۆستۈرۈش ئۇسۇلى، سالسىمان ئۆستۈرۈش ئۇسۇلى، سۈنئىي ئوغۇتلاش، جەنۇبتىن يۆتكەپ كۆپەيتىش قاتارلىق ئۇسۇللارنى ئىجاد قىلىپ، مەھسۇلات مىقدارىنى زور دەرىجىدە يۇقىرى كۆتۈردى. ئۆستۈرۈش رايونىنى زور كۆلەمدە كېڭەيتتى، بۇنىڭ بىلەن دۆلىتىمىز لامىنارىيىنى ئۆستۈرۈپ كۆپەيتىش جەھەتتە دۇنيا بويىچە ئالدىنقى قاتارغا ئۆتتى. لامىنارىيىنىڭ ئوزۇنلۇقى مول بولۇپ، ئوزۇقلۇق قىلغاندىن باشقا، يەنە دورا ئورنىدا ئىشلىتىلىدۇ، ھەمدە ئومۇملاشتۇرۇپ پايدىلىنىپ يود، ماننىتول ۋە قوڭۇر يۈسۈن يىلىمى قاتارلىق مۇھىم خام ئەشيالار ئايرىپ ئېلىنىدۇ.

hǎi dài لامىنارىيە، خەيدەيDئۆسۈملۈك hǎi dài لامنارىيە، خەيدەيDسودا hǎi dài خەيدەيDئۇنىۋېرسال hǎi dài لامىنارىيە، خەيدەي