گىرۋەك پەردە

بىئولوگىيە 缘膜 yuánmó ۋېلۇم دەپمۇ ئاتىلىدۇ. ھايۋان تېنىنىڭ بەزى گىرۋەك قىسىملىرىدا بولىدىغان نېپىز پەردىسىمان تۈزۈلۈش. مەسىلەن، ئۈچەي قورساقلىق ھايۋانلار تىپى گىدرالار سىنىپىدىكى مېدۇزا تېنىنىڭ تۆۋەنكى كۈنلۈك قىسمىنىڭ گىرۋىكىنىڭ ئىچكى يېنىدا بىر چەمبىرەكسىمان تەكشى پەردىسى يەنى گىرۋەك پەردىسى بولىدۇ. شۇڭا گىدراسىمان مېدۇزا، <گىرۋەك پەردىلىك مېدۇزا> دەپ ئاتىلىپ قالپاقلىق مېدۇزا سىنىپىدىكى مېدۇزىلاردىن پەرقلەندۈرۈلگەن؛ ئاسسىدىيىنىڭ سۇ كىرىش سىفونىيىنىڭ تۆۋەنكى تەرىپى ۋە لانسېتنىك بېلىقىنىڭ ئېغىز ئەتراپىدىمۇ گىرۋەك پەردىسى بولىدۇ. ئاسسىدىيە قاتارلىقلارنىڭ گىرۋەك پەردىلىرى غەلۋىرسىمان بولۇپ، يىرىك ئوزۇقلۇقلارنى سۈزۈۋېتىپ يۇتقۇنچاققا پەقەت سۇ ئېقىمى ۋە ئۇششاق ئوزۇقلۇقلارنىلا ئۆتكۈزۈش رولىنى ئوينايدۇ. مولليۇسكلارنىڭ لىچىنكىسىدىكى كىرپىك تۈكلۈك تەخسىمۇ بەزىدە گىرۋەك پەردە قاتارىغا كىرگۈزۈلىدۇ.