گوللاندىيە ئىلمى

Domain: دۇنيا تارىخى

ياپونىيىگە ئېدو دەۋرنىڭ ئوتتۇرلىرىدىن باشلاپ گوللاندىيە كىتابلىرى ئارقىلىق كىرگەن غەرب ئىلمى. 1740 - يىلى (گېمبوننىڭ 5 - يىلى) سىياگۇن توكۇگاۋا يوشىموننىڭ بۇيرۇقى بىلەن ئېدولۇق سودىگەر ئائوكى كونىيو ( 1698 - 1769) گوللاندىيە تىلىنى ئۆگەنگەن. گوللاندىيە تىلىدىكى ئاناتومىيە كىتابى ئائوكى كونيونىڭ شاگىرتلىرى مايېنو ريوتاكۇ (1723 - 1803)، سۇگىتاگېمپاكۇ (1733 - 1817) لارنىڭ تەجرىبىسى ئارقىلىق توغرىلىقى ئىسپاتلانغان. 1774 - يىلى (ئانىيېينىڭ 3 - يىلى) <بەدەن ئوپېراتسىيىسى توغرىسىدىكى يېڭى كىتاب> نامى بىلەن تەرجىمە قىلىنغان. بۇنىڭ مېدىتسىنا ئىلىمىدىن ئاسترونومىيە، كالېندارشۇناسلىق، جۇغراپىيە، تەبىئەتشۇناسلىق، خىمىيە قاتارلىق پەنلەرگىچە كېڭىيىپ، ئىلگىرىكى خەنزۇچىگە تەرجىمە قىلىنغان غەرب كىتابلىرى ئارقىلىق ئېرىشىلگەن بىلىملەر يەنىمۇ بىر بالداق يۇقىرى كۆتۈرۈلگەن. شىزۇكى تادائو (1760 - 1806) <رېكشوشىنشو> (رېكشو يېڭى كىتابى) دېگەن ئەسەرنى يېزىپ، نيۇتون مېخانىكىسىنى ۋە كوپېرنىكنىڭ يەر شارى ھەرىكىتى تەلىماتىنى تونۇشتۇرغان. تاكاھاشى يوشتوكى (1764 - 1804) يېڭى ئاسترونومىيە بىلىملىرىنى تەتبىقلاپ <كانسبى كالېندارى>نى تۈزۈپ چىققان. ئىنوتاداتاكا (1745 - 1818) غەربنىڭ ئۆلچەش ئۇسۇللىرىنى قوللىنىپ، ياپونىيەنىڭ دېڭىز قىرغاقىلىرىنى ئۆلچەپ چىققان. شوگونلۇقمۇ مەخسۇس ئورگان قۇرۇپ گوللاندىيە كىتابلىرىنى تەرجىمە قىلدۇرغان. ھىراگا گېننائى (1729 - 1779)، شىباكوكان (1738 - 1818) قاتارلىق كىشىلەر غەرب ئىدىيىسىنىڭ تەسىرى بىلەن فېئوداللىق دەرىجە تۈزۈمىگە قارىتا تەنقىدىي پوزىتسىيەدە بولغان. 1783 - يىلى (تيەنمىڭنىڭ 3 - يىلى) ئوتسۇكى گېنناكۇ (1757 - 1827) <گوللاندىيە ئىلمىي باسقۇچلىرى> نى يازغان. 1796 - يىلى ئىنامۇراسامپاكۇ (1758 - 1811) <پوليۇما يارىشىشى> ناملىق گوللاندىيىچە - ياپونچە لۇغەتنى نەشىر قىلغان. 1838 - يىلى ئوگاتاكوئان (1810 - 1863) ئوساكادا مەكتەپ ئېچىپ گوللاندىيە ئىلمىنى ئۆگەتكەن. ئۇنىڭ ئوقۇغۇچىلىرىدىن ئومۇراماسۇجىرۇ، فۇكۇزاۋايۇكىچى، ھاشىموتو سانائى قاتارلىقلار خېلى زور مۇۋەپپەقىيەتلەرگە ئېرىشكەن. لېكىن شوگۇنلۇق دائىرىلىرى گوللاندىيە ئىلمىنىڭ ئۆزلىرىنىڭ ھۆكۈمرانلىقىغا زەرەر يەتكۈزۋاتقانلىقىنى تەدرىجىي تونۇپ يەتكەندىن كېيىن، پەقەت ئۆزلىرىگە كېرەكلىك بولغان غەرب ھەربىي تېخنىكىسىنى ئۆگىنىش بىلەنلا چەكلەپ قويغان. دۆلەت قۇرۇلغاندىن كېيىن ئىنگلىز، فرانسۇز تىللىرىنى ئاساس قىلغان غەرب ئىلمى بۇرۇنقى گوللاندىيە ئىلمىنىڭ ئورنىنى ئىگىلىگەن.

Rate this entry

About this entry

This is a Uyghur–Uyghur dictionary entry.

Sourced from Main Dictionary in Lughet's collection.

This word also appears under other sources in Lughet's collection — see the list below.

Same word in other sources

گوللاندىيە ئىلمىUyghur›ChineseMain Dictionary

Nearby in the dictionary

گول گولان ئېگىزلىكى گولدباخ قىياسى گولدىشىمىدت گولدېر گولف گولف توپ گولگى گولگى ئاپپاراتى گوللاشماق گوللاندلار

Frequently asked questions

Where does this definition of گوللاندىيە ئىلمى come from?

This entry for گوللاندىيە ئىلمى is sourced from Main Dictionary, one of the dictionaries and corpora merged into Lughet.

Does گوللاندىيە ئىلمى appear elsewhere on Lughet?

Yes — گوللاندىيە ئىلمى appears under other sources or language pairs in Lughet's collection. See the list below.

What is Lughet?

Lughet is a free trilingual dictionary covering nearly five million entries across Uyghur, Chinese, and English, drawn from more than ten source dictionaries and corpora.

← Search