گېمما

بىئولوگىيە مۇخلارنىڭ گامېتىلىق تېنى ياكى ئىپتىدائىي يىپسىمان تەنچىسىدىن ھاسىل بولىدىغان، بىرخىل ئاز ساندىكى ھۈجەيرىدىن تۈزۈلگەن ۋېگېتاتىۋلىق كۆپىيىدىغان تەن. ئۇ تۆكۈلگەندىن كېيىن بىۋاسىتە يېتىلىپ يېڭى يەككە تەنىچىگە ئايلىنىدۇ. مەسىلەن، تەڭگە مۇخنىڭ گېماسى تەخسىسىمان بولۇپ، ئىككى تەرىپىدە بىردىن ئويمان بولىدۇ (ئۇنىڭ ئىچىدىكى بىرىدە يۇمران ئۆسۈملۈك ئۆسكەن بولىدۇ)، بىر ئۇچىدا سېپى بولىدۇ، يوپۇرماقسىمان تەندىكى گېمما رومكىسى ئىچىدە توپلىشىپ ئۆسىدۇ، پىشقاندا گېمما سېپىدىن ئۈزۈلۈپ تۆكۈلىدۇ ۋە بىخلىنىپ يېڭى يەككە تەنگە ئايلىنىدۇ. يەنە مەسىلەن، ئورىغۇچى يوپۇرماقلىق مۇخنىڭ گېمماسى يوپۇرماقنىڭ ئۇچىدا ئۆسىدۇ، تۇخۇمسىمان بولىدۇ، ئانا تېنىدىن ئايرىلغاندىن كېيىن يېڭى يەككە تەننى ھاسىل قىلىدۇ.