فرېدېرىك

弗雷德里克 fú léi dé lǐ kè

腓特烈四世 féi tè liè sì shì (1671 - 1730)، دانىيە - نورۋىگىيە كورۇلى (1699 - 1730). خىرىستىئان Ⅴ نىڭ ئوغلى. 1700 -، 1709 - 1720 - يىللىرى شىمال ئۇرۇشىغا قاتنىشىپ، روسىيە ۋە پولشا بىلەن ئىتتىپاق تۈزۈپ شۋېتسيە بىلەن سوقۇشقان. 1721 - يىلى سۈلھ تۈزۈپ، جەنۇبىي يوتلاندىيىنىڭ گوتتورپ رايونىغا ئىگە بولغان. پروتېستانت دىنىنىڭ لۇتېر مەزھىپىدىكى پېتىست مەزھىپى مۇرىتلىرىغا يول ئېچىپ بېرىشكە ئەھمىيەت بەرگەن، مائارىپنى راۋاجلاندۇرۇشنى تەشەببۇس قىلغان ھەمدە بەزى ئىسلاھاتلارنى ئېلىپ بارغان: گرېگورې كالېندارى (يەنى ھازىر قوللىنىلىۋاتقان مىلادىيە كالېندارى)نى كىرگۈزگەن؛ يانچىلىق تۈزۈمىنى ئەمەلدىن قالدۇرغان (1702)؛ يېزا خەلق ئەسكەرلىرى ۋە ئاتلىقلار مەكتىپىنى، پادىشاھلىق يېتىم بالىلار مەكتىپىنى قۇرغان.

腓特烈六世 féi tè liè liù shì (1768 - 1839)، دانىيىنىڭ كورۇلى (1808 - 1839)، نورۋىگىيە كورۇلى (1808 - 1814)، 1784 - يىلى ئوردا سياسىي ئۆزگىرىشنى ياساپ، ئاغرىپ ياتقان دادىسى كرىستىپان Ⅶ (1749 - 1808) نىڭ ئورنىدا ھاكىمىيەت ئىگىلىگەن. 1808 - يىلى رەسىمىي تەختكە چىققان. تەختتە تۇرغان مەزگىلدە، كىشىلىك ئەركىنلىكىنى كاپالەتلەندۈرىدىدىغان ۋە دېھقانلارنى قوغدايدىغان ئىجتىمائىي ئىقتىسادىي ئىسلاھات ئېلىپ بارغان ھەمدە پادىشاھلىق ھاكىمىيەتنى كۈچەيتكەن. سىرتقا قارىتا، دەسلەپتە بىتەرەپ سىياسەت قوللانغان، كېيىن ناپولېئوننى قوللاپ ئەنگلىيەگە قارشى تۇرغان. 1814 - يىلى نورۋىگىيىنى شۋېتسىيىگە ئۆتۈنۈپ بېرىشكە مەجبور بولغان. 1834 - يىلى ياۋرۇپا ئىنقىلابىي ۋەزىيىتىنڭ تەسىرى تۈپەيلىدىن، ئۆلكىلىك مەسلىھەت كېڭىشىنى قۇرغان، ئۇ، دانىيە پارلامېنت تۈزۈىنىڭ باشلىنىشى بولۇپ قالغان.