فرانسىيە قارا دىڭىز فلوتىنىڭ قوزغىلىڭى

دۇنيا تارىخى 法国黑海舰队起义 fǎ guó hēi hǎi jiàn duì qǐ yì فرانسىيە دېڭىز ئارمىيىسىنىڭ روسىيىگە قوراللىق مۇداخىلە يۈرگۈزۈشىگە قارشى قوزغىلىڭى. روسىيە ئۆكتەبر ئىنقىلابى غەلبىسىنىڭ تەسىرى ئاستىدا 1919 - يىلى 2 - ئايدا تىراسىپول ۋە خېرىسوندا تۇرۇشلۇق فرانسوز قوشۇنلىرى سوۋېت روسىيىسى بىلەن ئۇرۇش قىلىشنى رەت قىلغان. 3 - ئايدا ئودىسسا ۋە قىرىم رايونىغا ئەۋەتىلگەن فرانسۇرز ئەسكەرلىرى سوۋېت گېزىتلىرىدە ئوچۇق خەت ئېلان قىلىپ، روسىيە ئىنقىلابىي كۈرىشىنىڭ ھەققانىي ئىكەنلىكىگە چوڭقۇر ئىشىنىدىغانلىقىنى بىلدۈرۈپ، ئۇرۇش توختىتىشقا مۇراجىئەت قىلغان. 4 - ئاينىڭ 16 - كۈنى قارا دېڭىزدا توختىغان فرانسىيە ھەربىي پاراخوتىدىكى ماتروسلار قوزغىلاڭ كۆتۈرۈپ، قوراللىق مۇداخىلىگە قارشى تۇرغان. ئىككىنچى كۈنى ھۆكۈمەت دائىرىلىرى ھەربىي پاراخوتتىكى كومىسسارىيات ئەزالىرىنى قولغا ئالغان، لېكىن قوزغىلاڭ توختاپ قالمىغان. 20 - كۈنى سىۋاستوپولدا توختىغان <فرانسىيە> ۋە <ران. بار>ناملىق ھەربىي پاراخوت قىزىل بايراق چىقىرىپ، فرانسىيىگە قايتىپ كېتىشنى تەلەپ قىلغان. قوزغىلاڭ قارا دېڭىزدىكى فرانسىيەنىڭ باشقا پاراخوتلىرىغىچە يېتىپ، فرانسىيە ھۆكۈمىتىنى يول قويۇشقا مەجبور قىلغان. 5 - ئاينىڭ 1 - كۈنى فرانسىيە قارا دېڭىزدىكى بارلىق پاراخوتلىرىنى چېكىندۈرۈپ كەتكەن.