ئوتلۇق يەر ئارىلى

Domain: دۇنيادىكى شەھەرلەر

جەنۇبىي ئامېرىكىنىڭ ئەڭ جەنۇبىغا جايلاشقان ئارال. يەر مەيدانى 48 مىڭ 700 كۋادرات كىلومېتىر بولۇپ، غەربتىن شەرققە بولغان ئۇزۇنلۇقى 450 كىلومېتىر، شىمالدىن جەنۇبقا بولغان كەڭلىكى 250 كىلومېتىر كېلىدۇ. ئوتلۇق يەر ئارىلىغا دەسلەپ ئىندىئانلار ئولتۇراقلاشقان، 16 - ئەسىردىن باشلاپ ياۋروپالىقلار جەنۇبىي ئامېرىكىغا بېسىپ كىرىپ، يەرلىك ئىندىئانلارنى خالىغانچە بۇلاڭ - تالاڭ قىلغاندا بىر قىسىم ئىندىئانلار جەنۇبقا قاراپ سۈرۈلگەن. قالغان ئوندىن ئوشۇق تۇغقان قەبىلىلەر بىرلىشىپ بېلىقچىلىق ھەم ئوۋچىلىق بىلەن تۇرمۇش كەچۈرگەن. ئوتلۇق يەر ئارىلى مەمۇرىي جەھەتتىن چىلى ۋە ئارگېنتىنادىن ئىبارەت ئىككى دۆلەتكە قارايدۇ. 1881 - يىلى ئىككى دۆلەت ئوتتۇرىسىدا تۈزۈلگەن چېگرا كېلىشىمى بويىچە ئوتلۇق يەر ئارىلىنىڭ 20 مىڭ 392 كۋادرات كىلومېتىر كېلىدىغان شەرقىي قىسمىنى ئارگېنتىنا، 28 مىڭ كۋادرات كىلومېتىر كېلىدىغان غەربىي قىسمىنى چىلى ئىگىلىگەن. 1970 - يىللىق مەلۇمات بويىچە ئوتلۇق يەر ئارىلىدا ئولتۇراقلاشقان خەلق 40 مىڭدىن ئوشۇق بولۇپ، بۇنىڭ 16 مىڭى ئارگېنتىنا قىسمىغا، قالغىنى چىلى قىسمىغا ئولتۇراقلاشقان. ئوتلۇق يەر ئارىلىدىكى خەلق ئىقتىسادتا ئاساسەن قوي بېقىش بىلەن شۇغۇللىنىدۇ. ئۇنىڭدىن قالسا بېلىقچىلىق، ئورمانچىلىق، ئوۋچىلىق بىلەن شۇغۇللىنىدۇ. ئارالنىڭ شىمالىدا قوي بېقىشقا قولاي چارۋا مەيدانلىرى كۆپ بولۇپ، بەزى چارۋا مەيدانلىرىنىڭ دائىرىسى 6 مىليون مودىن ئاشىدۇ. بۇ خىل چارۋا مەيدانلىرىدا بېقىلىۋاتقان چارۋا 200 مىڭدىن ئېشىۋاتىدۇ، 1943 - يىلدىن باشلاپ چىلى دۆلەت نېفىت شىركىتى ئۆزى ئىگىلىگەن غەربىي قىسمىدا زور مىقداردا نېفىت زاپىسىنىڭ بارلىقىنى ئېنىقلىغان. ئارگېنتىناغا قاراشلىق شەرقىي قىسمىدىن 1952 - يىلدىن باشلاپ نېفىت ئېلىنىشقا باشلىغان. ئوتلۇق يەر ئارىلىنىڭ شەرقىي جەنۇبىدىكى بىرنەچچە ئۇششاق ئاراللارنىڭ دۆلەت تەۋەلىك مەسىلىسى تېخى بىر تەرەپ قىلىنمىدى.

Rate this entry

About this entry

This is a xx–xx dictionary entry.

Sourced from Reference in Lughet's collection.

This word also appears under other sources in Lughet's collection — see the list below.

Same word in other sources

ئوتلۇق يەر ئارىلىUyghurMain Dictionary ئوتلۇق يەر ئارىلىUyghur›ChineseMain Dictionary

Nearby in the dictionary

ئوتقا چىداملىق خىش ئوت قويۇش جىنايىتى ئوت كەتكۈزۈۋېتىش جىنايىتى ئوت كۆيۈش ئوت كۆيۈش ئوت كۆيۈۋاتقان ئەڭ ئۇزۇن كارىدوردىن بۆسۈپ ئۆتكەن سېرىكچى ئوتلاق ئوتلاق ئوتلاق ئىقلىمى ئوتلاقسىمان تۇرالغۇ ۋە ئورگانىك بىنا ئوتلۇق تىلەكلەر

Frequently asked questions

Where does this definition of ئوتلۇق يەر ئارىلى come from?

This entry for ئوتلۇق يەر ئارىلى is sourced from Reference, one of the dictionaries and corpora merged into Lughet.

Does ئوتلۇق يەر ئارىلى appear elsewhere on Lughet?

Yes — ئوتلۇق يەر ئارىلى appears under other sources or language pairs in Lughet's collection. See the list below.

What is Lughet?

Lughet is a free trilingual dictionary covering nearly five million entries across Uyghur, Chinese, and English, drawn from more than ten source dictionaries and corpora.

← Search