ئاقسۇ ۋىلايەتلىك جوڭشەن گاس گاچىلار مەكتىپى

شىنجاڭ مائارىپى ئالاھىدە مائارىپ 1987 - يىلى 9 - ئايدا كەڭ دائىرىلىك مەبلەغ توپلاش ئارقىلىق قۇرۇلغان مەكتەپ بولۇپ، ھۆكۈمەت قۇرغان، ھۆكۈمەت ياردەم بېرىدىغان مەكتەپ ھېسابلىنىدۇ. 1992 - يىلى مەمۇرىي مەھكىمنىنىڭ تەستىقى ئارقىلىق، ۋىلايەتلك مائارىپ باشقارمىسىغا بىۋاستە قاراشلىق ئالاھىدە مائارىپ مەكتىپى قىلىپ ئۆزگەرتىلگەن، ئوقۇش مۇددىتى توققۇز يىل، خەنزۇ تىلىدا ئوقۇتۇش ئېلىپ بارىدۇ. ئەدەبىيات، ماتېماتىكا، ئىدىيە - ئەخلاق، سىياسەت، تەبىئەت، تەنتەربىيە، گۈزەل - سەنئەت، ئەمگەك قاتارلىق دەرسلەر تەسىس قىلىنغان. ئوقۇغۇچى مەنبەسى ئاقسۇ ۋىلايىتىدىكى سەككىز ناھىيە، بىر شەھەر ۋە دېھقانچىلىق بىرىنچى دىۋىزىيىسىنىڭ ھەرقايسى پولىكلىرىدىن باشقا، يەنە بايىنغۇلىن ئوبلاستى، قىزىلسۇ ئوبلاستىنىڭ ئاز ساندىكى ئوقۇغۇچىلىرىمۇ بار. كۆپ قېتىم دۆلەت، ئاپتونوم رايون ۋە ۋىلايەتنىڭ تەقدىرلىشىگە ئېرىشكەن. يەنە مەملىكەتلىك ئوقۇتۇش ئېلىپ بېرىشتىكى ئىلغار ئورۇن بولۇپ باھالانغان. مەكتەپنىڭ يەر كۆلىمى 33966 كۋادرات مېتىر، قۇرۇلۇش كۆلىمى 2700 كۋادرات مېتىر. 1999 - يىلى كەسپىي ئوقۇتقۇچىلار 10 نەپەرگە، ئوقۇغۇچىلار 50 نەپەرگە يەتكەن.