سۇن

ئاھاڭداش سۆزلەر پېئىل. سۇنماق، سۇنۇش. 1 . بەرمەك، يوللىماق، تەقدىم قىلماق، ھەدىيە قىلىماق. سوۋغا سۇنماق. * دوكلات سۇنماق. * ئەرز سۇنماق. * گۈل دەستە سۇنماق. ئۇ قەدەھنى سۇنۇپتۇيۇ، ساقىي قالماپتۇ، جامالىدىن زەردىسى باقىي قالماپتۇ. 2 . ئۇزاتماق. يوتقانغا قاراپ پۇت سۇنماق (ماقال) . * ياردەم قولىنى سۇنماق. ئاھاڭداش سۆزلەر پېئىل سۇنماق، سۇنۇش. 1 . چېقىلماق، بۇزۇلماق، ئاجرالماق، پارچىلانماق، يېرىلماق. ياغاپ سۇنماق. * چىنە سۇنماق. * تەرەت سۇنماق. * كۆڭۈل سۇنماق. * ئەينەك سۇنماق. * قول سۇنسا يەڭ ئىچىدە، باش يېرىلسا بۆك ئىچىدە (ماقال) . * قاپاق سۇنسا قايغۇ يوق، قېرى ئۆلسە يىغا (ماقال) . * كوزا كۈندە سۇنماس، كۈنىدە سۇنار (ماقال) . * سۇنغان توقاچ يېپىشماس (ماقال) . * ھەق ئىگىلمەر، سۇنماس (ماقال). 2 . ۋەيران بولماق، يوقالماق. سۇنغان پومېشچىك. * دۈشمەننىڭ ھەيۋىتى سۇندى. نەدە روشەن بولسا توغرىلىق نۇرى، ئەگرىلىك سۇنىدۇ، قۇرۇيدۇ شورى. «سۇن» دىن بىر تۇيۇق: دوست بولغان كەتمىدىم، كەتمىدىم سۇنۇپ، چىن دوستلار باغرىغا باستى قول سۇنۇپ. ئەپسۇس، سەن ھەسەتلىك قىلمىشلىرىڭدىن، خالايىق ئالدىدا قالدىڭ بەك سۇنۇپ. جاپپار رەھىمى. تۈركىي تىللار دىۋانى سۆزلۈكلىرى سۇن كىشى _ يۇمشاق تەبىئەتلىك، ساپ دىل كىشى. 3 - 189 تۈركىي تىللار دىۋانى سۆزلۈكلىرى سۇن ئالتۇن _ نوكچا ئالتۇن. بۇ بىر بارماقتىن بىر گەزگىچە ئۇزۇنلۇقتا بولىدۇ. 3 - 189 قەدىمكى ئۇيغۇر تىلى سۆزلۈكلىرى ئۆلچەم بىرلىكى ئۇيغۇر كىشى ئىسىملىرى ئەرلەرگە خاس ئىسىم سۇن، تۇت، تەقدىم قىل.