ئاشقازان 12 بارماق ئۈچەي يارىسى

ئۇيغۇر تېبابىتىدە داۋالاش سەۋەبى: بۇ كېسەللىك، سوزۇلما ئاشقازان ياللۇغى سەۋەبىدىن كېلىپ چىقىدۇ. ئالامىتى: دەۋر خاراكتېرلىك تەرتىپلىك قورساق ئاغرىش، ئورۇقلاش، بەزىدە تەرەتتىن قان كېلىش قاتارلىق ئالامەتلەر بىلەن ئىپادىلىنىدۇ. 1 - رېتسېپ 】تەركىبى【 قىزىلگۈل بىر كىلوگرام، شېكەر تۆت كىلوگرام. 】تەييارلاش ئۇسۇلى【 يېڭى ئېچىلغان قىزىلگۈلنى ئۈزۈپ، ئەخلەتلىرىنى ئىلغاپ، تاسقاپ، تۆۋەن تەرىپىدىن ئاق يېرىنى كېسىۋېتىپ، بىر ھەسسە گۈلگە تۆت ھەسسە شېكەر ياكى ھەسەلنى ئۆزىگە ئالغۇدەك ئوبدان ئارىلاشتۇرۇپ، ئاندىن ئەينەك شېشىگە قاچىلاپ، ئاغزىنى مەھكەم بېكىتىپ، 40 كۈن ئاپتاپتا تۇرغۇزۇلىدۇ. ئەگەر دورا قۇرۇپ قېتىپ قالسا، ئەرىقى گۇلابتىن بىر ئاز قۇيۇپ ئارىلاشتۇرۇپ تەييارلىنىدۇ. 】ئىشلىتىش مىقدارى【 كۈنىگە بىر قېتىم، ھەر قېتىمدا 5 ~ 8 گرام ئىستېمال قىلىنىدۇ. 2 - رېتسېپ 】تەركىبى【 ئېگىر، توم زەنجىۋىل 50 گرامدىن، سۇ بىر كىلوگرام. 】تەييارلاش ئۇسۇلى【 قاينىتىلغان سۇغا دورىلارنى چىلاپ، بىر سوتكىدىن كېيىن سۈزۈپ تەييارلىنىدۇ. 】ئىشلىتىش مىقدارى【 كۈنىگە ئىككى قېتىم، ھەر قېتىمدا 30 مىللىلىتىردىن ئىستمال قىلىنىدۇ. 3 - رېتسېپ 】تەركىبى【 بىخ مارجان، ئۇچقۇن پاقا، قانىسە، زەمچە، نوقۇت 12 گرامدىن، موزا تۆت گرام، كۆپۈكى دەريا ئالتە گرام، بادام مېغىزى 18 گرام، شېكەر 200 گرام. 】تەييارلاش ئۇسۇلى【 دورىلارنى يۇمشاق سوقۇپ، ئەلگەكتىن ئۆتكۈزۈپ، شېكەر بىلەن ئارىلاشتۇرۇپ تەييارلىنىدۇ. 】ئىشلىتىش مىقدارى【 كۈنىگە ئىككى قېتىم، ھەر قېتىمدا 10 گرامدىن ئىستېمال قىلىنىدۇ.