چوتاناگپۇر ئېگىزلىكى

دۇنيادىكى شەھەرلەر 乔塔纳格普尔高原 qiáo tǎ nà gé pǔ ěr gāo yuán ھىندىستان يېرىم ئارىلىنىڭ شەرقىي شىمالىغا جايلاشقان بولۇپ، بىخار شتاتى، مەركىزىي شتات ۋە ئۇرىسا شتاتلىرىنى ئۆز ئىچىگە ئالىدۇ. دېڭىز يۈزىدىن ئېگىزلىكى 600-1100 مېترغىچە كېلىدۇ. ئېگىز تەكشىلىك گانگى دەرياسى بىلەن بېنگال قولتۇقى ۋە باشقا دەريالارنىڭ (مەسىلەن، دامودار دەرياس، سوبارانىكا دەرياسى) سۇ بۆلگۈچىسى ھېسابلىنىدۇ. يىللىق ھۆل - يېغىن مىقدارى 1000-1500 مىللىمتېرغا يېتىدۇ، توپىسى قىزىل توپا بىلەن خىش رەڭلىك قىزىل توپىلارنى ئاساس قىلىدۇ. كۆپ قىسىم يەرلىرىنى ئوت - چۆپلەر بىلەن ئورمانلار قاپلاپ تۇرىدۇ. بۇ جايدا ئىشلەپچىقىرىلغان يار يېلىم پۈتۈن ھىندىستاندا ئىشلەپچىقىرىلىدىغان يار يېلىمىنىڭ 41% نى تەشكىل قىلىدۇ. چوتاناگپۇر ھىندىستاننىڭ ئەڭ قۇھىم كان سانائەت ۋە مېتاللۇرگىيە سانائەت رايونى، كوكس كۆيدۈرىدىغان كۆمۈر بىلەن مىس، فوسفورلۇق مېنېراللارنىڭ ھەممىسى دېگۈدەك شۇ رايوندىن ئىشلەپچىقىرىلىدۇ. ككك كرىستاللىق تاشنىڭ 95%، كۆمۈرنىڭ 80%، چىرىمتال، ئاليۇمىن توپىسىنڭ 50%، تۆمۈر رۇدىسىنىڭ 40% ى مۇشۇ جايدا ئىشلەپچىقىرىلىدۇ. بۇنىڭدىن باشقا تاشپاختا، ھاك تېشى، خروملۇق تۆمۈر، ئۇران، ئالماس قاتارلىقلارمۇ مۇھىم ئورۇن تۇتىدۇ. بۇ جايدا نۇرغۇن سانائەت شەھەرلىرى بار. تاتا پولات - تۆمۈر شىركىتى بۇ رايوننىڭ جەنۇبىدىكى جىمىسپور شەھىرىگە جايلاشقان.