虫草

ئورمانچىلىق chóng cǎo قۇرۇت ئوتDئۆسۈملۈك chóng cǎo قۇرتئوت بىئولوگىيە قۇرتئوت زەمبۇرۇغلار تىپى، خالتا سپورىلىق زەمبۇرۇغلار سىنىپى، باشاق مۈڭگۈز ئائىلىسىگە كىرىدۇ. قۇرتئوت تەڭگىچە قاناتلىقلارنىڭ لىچىنكىسىنىڭ تېنىدە پارازىتلىنىدۇ ۋە قوشۇمچە چىرىندىخورلۇق ھايات كەچۈرىدۇ. ئۇ زىيان يەتكۈزىدىغان لىچىنكا يەر ئاستىغا كىرگەندىن كېيىن ئۆلىدۇ. قۇرت ئۆلگەندە زەمبۇرۇغ يىپچىلىرىنى ھاسىل قىلىدۇ. قىش پەسلىدە زەمبۇرۇغ يىپچىلىرى زەمبۇرۇغ شاكىلىغا ئايلىنىدۇ. زەمبۇرۇغ شاكىلىنىڭ يېتىلىشى بىلەن لىچىنكىنىڭ ئىچىدىكى ئورگانلىرى پارچىلىنىپ كېتىدۇ، بىراق قۇرتنىڭ سىرتقى يۈزى مۇكەممەل ساقلىنىدۇ. زەمبۇرۇغ ئىككىنچى يىلى ئەتىياز پەسلىدە لىچىنكا ئۆلۈكىنىڭ ئالدىنقى ئۇچىدىن سېپى بولغان سپورا تەختىنى ھاسىل قىلىدۇ، شۇڭا ئۇ قۇرتئوت دەپ ئاتىلىدۇ. قۇرتئوت تىبەت، سىچۈەن، خۇبېي، گەنسۇ، چىڭخەي، يۈننەن، گۇيجۇ قاتارلىق ئورۇنلاردىن چىقىدۇ. جۇڭگو تېبابىتىدە ئۇنىڭ قۇرۇتۇلغان قۇرت تېنى ۋە سپورا تەختى دورىغا قوشۇلىدۇ، تەبىئىتى مۆتىدىل، تەمى تاتلىق، كېيىن ئازراق ئاچچىق، ئۆپكىنى قوغداپ بۆرەككە مەنپەئەت يەتكۈزىدۇ؛ سپېرمىنى تولۇقلاپ يىلىككە پايدا يەتكۈزىدۇ؛ قان توختىتىش، ياللۇغنى قايتۇرۇش، سىل يۆتىلىنى توختىتىش قاتارلىق روللىرى بار. ئاساسەن ئۆپكە توبېركۇليوز، قان ئارىلاش بەلغەم تۈكۈرۈش، تەن ئاجىزلىق، يۆتەل، ئېھتىلام بولۇش، كېسەلدىن كېيىنكى بەدەن ئاجىزلىق قاتارلىقلارنى داۋالاشقا ئىشلىتىلىدۇ.