بۇخارا خانلىقى

Domain: دۇنيا تارىخى

ⅩⅥ ئەسىردىن ⅩⅩ ئەسىرنىڭ باشلىرىغىچە مەۋجۇت بولغان ئوتتۇرا ئاسىيادىكى فېئوداللىق دۆلەت. ئامو دەرياسىنىڭ شەرقىي شىمالىي رايونىدا 1500-يىلى ئۆزبېكلەرنىڭ باشلىقى شەيبانى خان ئوتتۇرا ئاسىيادىكى تېمۇىيلەر ھۆكۈمرانلىقىنى ئاغدۇرۇپ تاشلاپ، شەيبانىيلار سۇلالىسىنى (1500 - 1598) قۇرغان. ئەسلىدىكى پايتەختى سەمەرقەند بولۇپ، 1561-يىلى پايتەختىنى بۇخاراغا كۆچۈرگەنلىكتىن، خانلىقىمۇ بۇخارا خانلىقى دەپ ئاتالغان. ⅩⅥ ئەسىرنىڭ كېيىنكى يېرىمىدا دۆلەت كۈچىيىپ، پەرغانە، تاشكەنت ۋە خوراسانلارنى تارتىۋالغان. ئاستىراخان خاندانلىقى ياكى جاند خاندانلىقى ھۆكۈمرانلىقى دەۋرىدە (1599 - 1753) فېئوداللىق ئىچكى نىزالار ھەم قوشنا مەملىكەتلەر بىلەن ئۈزلۈكسىز ئۇرۇش قىلىش ئاقىۋىتىدە كۈچى زەئىپلەشكەن. 1740-يىلى بىر مەزگىل پېرسىيە پادىشاھى نادىر شاھ تەرىپىدىن بېسىۋېلىنغان. ماڭغىت خانلىقى ھۆكۈمرانلىقى دەۋرىدە (1753- 1920) خىۋا خانلىقى بىلەن كۆپ قېتىم ئۇرۇشقان. كېيىن روسىيە ئوتتۇرا ئاسىيا تەرەپكە قاراپ كېڭەيمىچىلىك قىلىپ، 1868-يىلغا كەلگەندە روسىيىنىڭ ھامىيلىقىدىكى دۆلەتكە ئايلىىپ قالغان. 1920-يىلى فېئودال ھۆكۈمرانلىق ئاغدۇرۇلۇپ، بۇخارا خەلق سوۋېت جۇمھۇرىيىتى قۇرۇلغان. 1925-يىلى نامى ئۆزبېكستان سوۋېت سوتسىيالىستىك جۇمھۇرىيىتىگە ئۆزگەرتىلگەن.

Domain: ئىسلام ئاتالغۇلىرى

<ئۆزبېك خانلىقى> مۇ دېيىلىدۇ. بۇ يەردە ئوتتۇرا ئاسىيادىكى ئىسلام خانلىقى كۆزدە تۇتۇلىدۇ. بۇ خانلىق 16 - ئەسىردىن 20 - ئەسىرنىڭ باشلىرىغىچە ئامۇ دەرياسىنىڭ شەرقىي شىمالىدىكى رايوندا قۇرۇلدى. 1500 - يىلى ئۆزبېكلەرنىڭ باشلىقى شەيبانىخان ئوتتۇرا ئاسىياغا تاجاۋۇز قىلىپ كىرىپ، تۆمۈرلەڭ سۇلالىسىنىڭ ھۆكۈمرانلىقىنى ئاغدۇرۇۋېتىپ، سەمەرقەنتنى پايتەخت قىلىپ، شەيبانىيە سۇلالىسى (1500 - 1598) نى قۇردى. 1561 - يىلى پايتەختنى بۇخاراغا يۆتكەپ، بۇخارا خانلىقى دەپ ئاتىدى. ئابدۇللاخان (1583 - يىلىدىن 1588 - يىلىغىچە تەختتە ئولتۇرغان) دەۋرىدە خانلىق كۈچىيىپ، ماۋەرائۇننەھر رايونىنى بىرلىككە كەلتۈردى ھەمدە غەربكە كېڭەيدى. ئاستراخان (1599 - 1753) دەۋرىدە ئىچكى تەپرىقىچىلىك ۋە سىرتقى پاراكەندىچىلىك ئۈزۈلمىدى، خانلىق خارابلاشتى. 1740 - يىلى پرسىيە پادىشاھى نادىرشاھ بىر مەھەل ئىشغال قىلدى. مەنگىت سۇلالىسى (1753 - 1920)قۇرۇلغاندىن كېيىن، قوشنا ئەللەر بىلەن تىنماي ئۇرۇشتى، رۇسىيە پۇرسەتتىن پايدىلىنىپ كىرىپ كەلدى. 1868 - يىلى رۇسىيىنىڭ ھامىيىلىقىدىكى خانلىق بولۇپ قالدى.

Rate this entry

About this entry

This is a Uyghur–Uyghur dictionary entry.

Sourced from Main Dictionary in Lughet's collection.

This word also appears under other sources in Lughet's collection — see the list below.

Same word in other sources

بۇخارا خانلىقىUyghur›ChineseMain Dictionary

Nearby in the dictionary

بۇجۇمبۇرا بۇچغاك بۇچغاكسىز بۇچەم بۇچۇنغ بۇ چۈش ئەمەس بۇچى بۇچىخان بۇچىن بۇچىناي بۇخار

Frequently asked questions

Where does this definition of بۇخارا خانلىقى come from?

This entry for بۇخارا خانلىقى is sourced from Main Dictionary, one of the dictionaries and corpora merged into Lughet.

Does بۇخارا خانلىقى appear elsewhere on Lughet?

Yes — بۇخارا خانلىقى appears under other sources or language pairs in Lughet's collection. See the list below.

What is Lughet?

Lughet is a free trilingual dictionary covering nearly five million entries across Uyghur, Chinese, and English, drawn from more than ten source dictionaries and corpora.

← Search