巴乞尔

تارىخ bā qǐ ěr باقىر ئۆلچەم بىرلىكلىرى باقىر باقىر - قۇجۇ ئۇيغۇرلىرى دەۋرىدە كەڭ ئىشلىتىلگەن مېتال پۇل. مەھمۇت قەشقەرى بۇ پۇلنى <چىندا قۇيۇلغان بىر خىل مىس ئاقچىنىڭ ئىسمى، ئېلىم - سېتىمدا ئىشلىتىلىدۇ> (مەھمۇد قەشقىرى: <تۈركىي تىللار دىۋانى> Ⅰ توم، 468 - بەت) دەيدۇ. بۇنىڭدىن <باقىر> نىڭ ئوبوروت قىلىنىش دائىرىسىنىڭ ناھايىتى كەڭ بولغانلىقىنى كۆرىۋالغىلى بولىدۇ. تۇرپاندىن تېپىلغان ئىجتىمائىي - ئىقتىسادقا دائىر ۋەسىقىلەردە <ئۈچ باقىر كۈمۈش>، <ئۈچ ساتىر ئۈچ يېرىم باقىر>، <ئالتە ساتىر ئالتە باقىر كۈمۈش> دېگەن ئىبارىلەر ئۇچرايدۇ. ئەينى دەۋردە 10 باقىر 1 سىتىرغا، 100 باقىر 1 ساتىرغا تەڭ ئىدى. <باقىر> يەنە ئېغىرلىق ئۆلچىمى قىلىپمۇ ئىشلىتىلگەن. فون گابائىننىڭ كۆرسىتىشىچە <باقىر> مىستىن قۇيۇلغان پۇل بولۇپ، بىر باقىر 10 دىن بىر سەرگە تەڭ ئىدى. بەزى تەتقىقات نەتىجىلىرىگە ئاساسلانغاندا بىر باقىر 274.2 گىرام ئالتۇنغا تەڭ.