ئۇرۇشدى

تۈركىي تىللار دىۋانى سۆزلۈكلىرى ئۇرۇشتى. ئانىڭ بىرلە ئۇرۇشدى _ ئۇنىڭ بىلەن ئۇرۇشتى. بەگلەر ۋە باشقىلار بىر - بىرى بىلەن ئۇرۇشقاندىمۇ مۇشۇ سۆز ئىشلىتىلىدۇ. ( ئۇرۇشۇر _ ئۇرۇشماق). ماقالدا مۇنداق كەلگەن: ئالپلار بىرلە ئۇرۇشما بەگلەر بىرلە تۇرۇشما _ باتۇرلار بىلەن ئۇرۇشما. بەگلەر بىلەن تىركەشمە. شېئىردا مۇنداق كەلگەن: ئەرەن ئالپى ئوقىشتىلار قىڭىر كۆزۈن باقىشتىلار قامۇغ تولمۇن توقۇشتىلار قىلىچ قىنقا كۈچۈن سىغدى باتۇر ئەرلەر (بىر - بىرىنى جەڭگە) قىچقىرىشتى، قىڭغىر كۆز بىلەن قاراشتى، ھەممە قورال بىلەن توقۇنۇشتى، قىلىچ قىنغا تەستە سىغدى. يىگىتلەر بىر - بىرىنى جەڭگە چاقىرىشتى، قىڭغىر كۆزلىرى بىلەن قاراپ ھومىيىشتى، ھەممە قوراللىرىنى ئىشقا سېلىپ ئۇرۇشتى، قىلىچلىرى قاننىڭ كۆپ ئۇيۇپ كەتكەنلىكىدىن قىنغا تەستە سىغدى. 1 - 246