ئورتاقلىشىپ ياشاش

بىئولوگىيە 共生 gòngshēng ئىككى خىل جانلىق بىر - بىرىگە مەنپەئەت يەتكۈزگەن ھالدا بىرلىكتە ياشايدۇ، ئۇلارنىڭ بىرى بولمىسا، يەنە بىرىمۇ مەۋجۇت بولۇپ تۇرالمايدۇ، ياكى بىر خىل جانلىق باشقا بىر خىل جانلىقنىڭ تېنى ئىچىدە ياشاش، بىر - بىرىگە تايىنىش ھەمدە ھەر قايسىسى بەلگىلىك مەنپەئەتكە ئېرىشىش ھادىسىسى، مەسىلەن، لىشاينىكنى تۈزگۈچى يۈسۈن بىلەن زەمبۇرۇغدا، زەمبۇرۇغ نىئورگانىك تۇز ۋە سۇ سۈمۈرۈپ يۈسۈننى تەمىنلەيدۇ، يۈسۈن فوتوسىنتېز ئارقىلىق ئورگانىك ماددا ياساپ زەمبۇرۇغنى تەمىنلەيدۇ. ئەگەر بۇ ئىككىسى ئايرىلىپ كەتسە، بەزى زەمبۇرۇغلار مۇستەقىل ياشىيالمايدۇ. يەنە مەسىلەن، ئاق چۈمۈلە بىلەن ئۇنىڭ ئۈچىيىدىكى قىلئاياغلىق قۇرتتا، قىلئاياغلىق قۇرت ئاق چۈمۈلىنىڭ ياغاچ سېللۇلوزىلىرىىى ھەزىم قىلىشىغا ياردەم بېرىدۇ، ئاق چۈمۈلە قامچا تۈكلۈك قۇرتنى ئوزۇقلۇق بىلەن تەمىنلەيدۇ. ئەگەر بۇ ئىككىسى ئايرىلىپ كەتسە، ھەر ئىككىسى ياشىيالمايدۇ. پۇرچاق ئائىلىسىدىكى ئۆسۈملۈكلەر ئورتاقلىشىپ ياشىشىدا، يىلتىز تۈگۈنەك باكتېرىيىسى پۇرچاق ئائىلىسىدىكى ئۆسۈملۈكلەرنىڭ يىلتىز قوۋزاق ھۈجەيرىسىگە بۆسۈپ كىرىپ، ئۇنىڭدىن ئۆزىگە ئېھتىياجلىق بولغان ئوزۇقلۇقنى سۈمۈرۈش بىلەن بىر ۋاقىتتا، ھاۋادىكى ئەركىن ئازوتنى سۈمۈرۈپ ئازوتلۇق ماددا ياسايدۇ ۋە پۇرچاق ئائىلىسىدىكى ئۆسۈملۈكلەرنى تەمىنلەيدۇ.