ئۆزلۈكىدىن مۇتاتسىيىلىنىش

بىئولوگىيە تەبىئىي پەيدا بولىدىغان توساتتىن ئۆزگىرىش بولۇپ، ئىرسىي ماددىنىڭ سىرتقى مۇھىت شارائىتى ياكى جانلىقلار تېنىنىڭ ئىچكى قىسىمىدىكى ئامىللار تۈپەيلىدىن ئۆزگىرىشى. ئۆزلۈكىدىن مۇتاتسىيىلىنىش تەبىئەتتە ناھايىتى كەڭ كۆلەملىك بولىدۇ، مەسىلەن، ئادەملەردىكى قانىغاقلىق كېسىلى، رەڭ قارىغۇسى، ئۆسۈملۈك مايسىلىرىنىڭ ئاقىرىپ كېتىشى، قويلاردىن ئانكون قويى، مېۋە چىۋىننىڭ ئاق كۆزلۈك، سېرىق تەنلىكى قاتارلىقلار. ئومۇمەن سۈنئىي ئىندۇكسىيىلەش ئىشى باشلىنىشتىن ئىلگىرى بايقالغان مۇتاتسىيىلىنىشلەر پۈتۈنلەي ئۆزلۈكىدىن مۇتاتسىيىلىنىش بولۇپ ھېسابلىنىدۇ. ئۆزلۈكىدىن مۇتاتسىيىلىنىش ئۈزلۈكسىز پەيدا بولۇپ تۇرىدۇ، پەيدا بولۇش چاستوتىسى ئومۇمەن ناھايىتى تۆۋەن بولىدۇ.