ئۆت

ئاھاڭداش سۆزلەر ئىسىم. جىگەردىن ھاسىل بولىدىغان ھەزىم قىلىش سۇيۇقلۇقى، سەپرا. ئۆت كىسلاتاسى. * ئۆت نەيچىسى، * ئۆت سۇيۇقلۇقى. * ئۆت تېشى. * ئۆت يولى. ئاھاڭداش سۆزلەر پېئىل. ئۆتمەك، ئۆتۈش. 1. بىر نۇقتىدىن يەنە بىر نۇقتىغا يېتىپ بارماق. دەريادىن ئۆتمەك. * كۆۋرۈكتىنق ئۆتمەك.* ئۆتكەن يىل، ئۆتكەن كۈنلەر، ئۆتكەن زامان.* ئۆتكەنگە سالاۋات. * ئۆتكەن ئۆمۈر - ئاتقان ئوق (ماقال). * قېرى ئۆتكەننى ماختايدۇ (ماقال). * ئۆتكەن ئۆمۈر - ئاتقان ئوق (ماقال). * قېرى ئۆتكەننى ماختايدۇ (ماقال).* دوستسىز ئۆتمەك ۋەتەندە، مىسلى مۇردا كىپەندە (ماقال). * مۇزدىن ئۆتسەڭ ئاۋۋال ئۆت، ئۆتكەننى كۆرىسەن، سۇدىن ئۆتسەڭ كېيىن ئۆت، ئاققاننى كۆرىسەن. 2. بىرەر ئۆلچەم، بەلگىلىمىدىن ھالقىماق. ئىمتىھاندىن ئۆتمەك. * سىناقتىن ئۆتمەك. * ئۆتكەلدىن ئۆتمەك. 3. تەسىر قىلماق. گەپ ئۆتمەك، شامال ئۆتمەك. * پاختا تەرگەندە سوغۇق ئۆتۈپتۇ، قىش - زىمىستاندا ئىسسىق (ماقال). * تاياق گۆشتىن ئۆتىدۇ، تىل سۆڭەكتىن (ماقال). 4. كەچۈرمەك.باشتىن نېمىلەر ئۆتمىدى. 5. ئۈنۈملۈك بولماق. بۇ بېلەت ئۆتىدۇ. * ئۇنىڭ گېپى ئۆتىدۇ. * ئامېرىكا دوللىرى ھەممە يەردە ئۆتىدۇ. 6. بىرەر خاتالىق، بىرەر سەۋەنلىك سادىر قىلماق. ئۆزۈمدىن ئۆتكەن قولۇمدىن كەتكەن (ماقال). * بۇ ئىشتا سەۋەنلىك سەندىن ئۆتتى. * خاتالىق ئۆتكۈزۈشتىن قورقما، خاتالاشمايدىغان ئادەم يوق، ئىقرار قىلماسلىق، تۈزەتمەسلىكتىن قورق. 7. ئۆگەتمەك. دەرس ئۆتمەك. 8. كەسمەك، تەشمەك، تەمچىمەك.ئۆيدىن يامغۇر ئۆتمەك. * لايغا ئۆتمىگەن پىچاق، قولغا ئۆتەر (ماقال). 9. ئەپۇ قىلماق. گۇناھىدىن ئۆتمەك. 10. قارىماق، تەۋە بولماق. بۇ ئۆي ئەمدى ماڭا ئۆتتى. * بىزنىڭ بىر مۇنچە مۇھاجىرلىرىمىز ئۆزلىرى تۇرۇشلۇق دۆلەتنىڭ تەۋەلىكىگە ئۆتتى. ئاھاڭداش سۆزلەر ياردەمچى پېئىل. «پ» لىك رەۋىشداشلارغا قوشۇلۇپ كېلىپ، ئىش - ھەرىكەتنىڭ ئاياغلاشقانلىقىنى بىلدۈرىدۇ. ئۇ سۆزلەپ ئۆتتى. * تۇرسۇن دوكلات لايىھىسىنى كۆرۈپ ئۆتتى. چاغاتاي دەۋرى ئۇيغۇر سۆزلۈكلىرى ئۈگۈت، نەسىھەت. تۈركىي تىللار دىۋانى سۆزلۈكلىرى («-ۋاۋ» ھەرپى يۇمشاق تەلەپپۇز قىلىنىدۇ) تام ياكى ياغاچ تۆشۈگى. 1 - 61 تۈركىي تىللار دىۋانى سۆزلۈكلىرى (« - ۋاۋ» ھەرپى يۇقىرىدىكىدىنمۇ يۇمشاقراق تەلەپپۇز قىلىنىدۇ) ئوت، ئوت خالتىسى. 1 - 61 قەدىمكى ئۇيغۇر تىلى سۆزلۈكلىرى نەسىھەت ئۇيغۇر تىلى ئۇنۋېرسال سۆزلۈكلەر ئىسىم ئاناتومىيە ئۆت سۇيۇقلۇقى ساقلىنىدىغان خالتىسىمان ئورگان. ئۇ جىگەرنىڭ ئوڭ ياپراقچىسى ئاستىغا جايلاشقان بولۇپ، ئۆت يولى ئارقىلىق جىگەرگە تۇتىشىپ تۇرىدۇ.