ئامۇل

كلاسسىك ئەدەبىيات سۆزلۈكلىرى تىنچ، جىم تۇرغان؛ يۇۋاش. تۈركىي تىللار دىۋانى سۆزلۈكلىرى قىمىرلىماي جىم تۇرغان نەرسە. شۇنىڭدىن ئېلىنىپ، يۇمشاق تەبئەتلىك يۇۋاش ئادەممۇ « ئامۇل» دېيىلىدۇ. شېئىردا مۇنداق كەلگەن: قانچا باردىم ئاي ئوغۇل ئەردىڭ مۇندا ئىنچ ئەمۇل ئاتىن ئەمدى سەن تۈڭۇل قىلىدىن ئارسا قىماغۇ {ئەي ئوغۇل، نەگە كەتتىڭ، بۇ يەردە تېچ - خاتىرجەم ئىدىڭ. ئەمدى سەن ئاتتىن ئۈمىدىڭنى ئۈز، قىلمايدىغان (ئىش) نى قىلىپ قويدۇڭ.} بۇرۇن ئۆزىنىڭ قېشىدا تۇرۇپ يامانلاپ كېتىپ، كېيىن تاشلاپ كەتكەن ئېتىنى ئېلىشقا كەلگەن بالىغا كايىپ، ئاتنى بەرمەسلىك ئۈچۈن شۇنداق دېيىلگەن. بۇنىڭ مەنىسى: «مېنىڭ قېشىمدا تېچ - ئامان، راھەت - پاراغەتتە ئىدىڭ، ھالىڭ ياخشى ئىدى، نېمىشقا مەندىن يۈز ئۆرۈدۈڭ» دېمەكچى. 1 - 101 قەدىمكى ئۇيغۇر تىلى سۆزلۈكلىرى تەمكىن، ۋەزمىن، ئېغىر - بېسىق ئۇيغۇر كىشى ئىسىملىرى ئەرلەرگە خاس ئىسىم تەمكىن، ئېغىر- بېسىق