西班牙社会主义工党

دۇنيا تارىخى ئىسپانىيە سوتسىيالىست لېبورىستلار پارتىيىسى 1879 - يىلى بىرىنچى ئىنتېرناتسىئونال ئىسپانىيە ئىتتىپاقىنىڭ بىر قىسىم ئەزالىرى مادرىدتا قۇرۇغان. 1881 - يىلدىن بۇرۇن قانۇنسىز ئۇرۇندا تۇرغان. 1886 - يىلى ئورگان ژۇرنىلى - <سوتسىيالىستلار> نى نەشىر قىلغان. 1888 - يىلى تۇنجى قۇرۇلتىيىنى چاقىرىپ، پارتىيە پروگراممىسىنى ماقۇللاپ، ھاكىمىيەتنى ئەمگەكچىلەرگە تاپشۇرۇپ بېرىش، ئىشلەپچىقىرىش ۋە ئوبوروت ۋاسىتىلىرىنى ئىجتىمائىيلاشتۇرۇشنى ئوتتۇرىغا قويغان. 1921 - يىلى ئىچكى قىسمىدا بۆلۈنۈش بولغان. 1923 - يىلىدىن كېيىن پرىمودې رىۋېرا مۇستەبىت ھۆكۈمىتى بىلەن ھەمكارلاشقان. دې رىۋېرا ئاغدۇرۇلغاندىن كېيىن بۇ پارتىيە جۇمھۇرىيەتچىلەر تەرەپتە تۇرۇپ، پادىشاھلىق تۈزۈمنى ئاغدۇرۇش كۈرىشىگە قاتناشقان. 1936 - 1939 - يىللىرى ئىسپانىيە ئىچكى ئۇرۇشى مەزگىلىدە، خەلق سېپىگە قاتناشقان. ۋەكىللىرى - لارگو كاباللېرو (1869 - 1946) ۋە نېگرىن (1894 - 1956)ئىلگىرى - كېيىن خەلق سېپى ھۆكۈمىتىنىڭ زۇڭلىسى بولغان. 1939 - يىلى 3 - ئايدا مەزكۇر پارتىيىنىڭ ئوڭ قانات باشلىقلىرى خەلق سېپى ھۆكۈمىتىنى ئاغدۇرۇشقا ھەمدە جۇمھۇرىيەتنىڭ مەغلۇپ بولۇشىغا ۋاسىتىلىك سەۋەبچى بولغان سىياسىي ئۆزگىرىشكە قاتناشقان. فرانكو مۇستەبتى ھاكىمىيىتى قۇرۇلغاندىن كېيىن پائالىيىتى مەنئى قىلىنغان.