تەيۋەن ئۆلكىسىدىكى ئاساسلىق گېزىتلەر

نەشرىياتچىلىق بىلىملىرى ئېلىمىزنىڭ تەيۋەن ئۆلكىسىدە ھازىر30 نەچچە خىل گېزىت چىقىدۇ. ئۇلارنىڭ28 ى خەنزۇ تىلىدا، ئىككىسى ئىنگلىز تىلىدا، بىرى ياپون تىلىدا چىقىدۇ، ئۇلاردىن21 ىنى شەخسلەر چىقىرىدۇ. «مەركەز گېزىتى» (报日央中)، «جۇڭگو ۋاقىت گېزىتى» (报时国中) ۋە «بىرلەشمە گېزىتى» (报合联) تەيۋەن ئۆلكىسىدىكى چوڭ گېزىتلەردۇر. «مەركەز گېزىتى» گومىنداڭ پارتىيىسى مەركىزىي كومىتېتىنىڭ ئورگان گېزىتى بولۇپ،1928 - يىلى شاڭخەيدە نەشر قىلىنغان،1949 - يىلى تەيبېيگە كۆچۈرۈپ كېتىلگەن. ھازىر بۇ گېزىت كۈندە12 بەت چىقىدۇ، تەخمىنەن220 مىڭ پارچە تارقىتىلىدۇ. «جۇڭگو ۋاقىت گېزىتى» خۇسۇسىي ئىگىلىكتىكى گېزىت بولۇپ،1950 - يىلى نەشر قىلىنغان، ئۇ تەيۋەندىكى تىراژى ئەڭ كۆپ گېزىت، كۈندە1 مىليون پارچىدىن ئارتۇق تارقىتىلىدۇ. «بىرلەشمە گېزىت» 1951 - يىلى نەشر قىلىنغان، تىراژى ئاز كەم1 مىليونغا يېتىدۇ،1964 - يىلىدىن بۇيان ئايروپىلان بىلەن100 نەچچە دۆلەت ۋە رايونغا ئەۋەتىلىدۇ. ھازىر تۆت گېزىت، يەتتە ژۇرنال ۋە بىر نەشر شىركىتى بىرلىشىپ مەتبۇئات گۇرۇھى بولۇپ ئۇيۇشتى، بۇ گۇرۇھ ھەر خىل نۇسخىدا35 خىل گېزىت، ژۇرنال ۋە كىتاب چىقىرىدۇ.