سوتسىيالىستىك ئىشچىلار ئىنتېرناتسىئونالى

社会主义工人国际 shè huì zhǔ yì gōng rén guó jì بېرنې ئىنتېرناتسىئونالى بىلەن ئىككى يېرىمىنچى ئىنتېرناتسىئونالى 1923 - يىلى 5 - ئايدا گامبۇرگدا چاقىرىلغان بىرلىشىش يىغىنىدا، ئىككىنچى ئىنتېرناتسىئونالىزمنىڭ رېۋىزىئونىزملىق پروگراممىسىنى ئاساس قىلىپ، بىرلىشىپ تەشكىل قىلغان خەلقئارا تەشكىلات. ئۇلار سىنىپىي ھەمكارلىقنى تەشەببۇس قىلغان، بۇرژۇئا دېموكراتىيىسىنى ماختىغان، كاپىتالىزم سوتسىيالىزمغا <تىنچ ھالدا ئۈسۈپ كىرىش>، مۇستەملىكىلەرنى تىنچ ھالدا مۇستەقىل دۆلەتلەرگە ئايلاندۇرۇشتىن ئىبارەت سەپسەتىلەرنى تارقاتقان، ئىشچىلار سىنپى ئىتتىپاقىغا بۆلگۈنچىلىك سالغان ۋە ئۇنىڭغا بۇزغۇنچىلىق قىلغان، جاھانگىرلىكنىڭ تاجاۋۇزچىلىق سىياسىتى ئۈچۈن خىزمەت قىلغان. باش شتابى سيۇرىختا (دەسلەپ لوندوندا) بولغان، ئاۋسترىيە دېموكراتلار پارتىيىسىنڭ كاتتىبېشى فرېدرىخ ئادلېر (1897 -1960) ئۇنىڭ سېكرىتارى بولغان. ئىككىنچى دۇنيا ئۇرۇشى پارتلىغاندىن كېيىن ئاساسەن يىمىرىلگەن. 1951 - يىلى <سوتسىيالىستلار پارتىيىلىرى ئىنتېرناتسىئونالى> قۇرۇلۇپ، ئۆزىنى <سوتسىيالىستىك ئىشچىلار ئىنتېرناتسىئونال>نىڭ ۋارىسى دەپ ئاتىۋالغان.