روبىنسون

دۇنيا تارىخى (1863 - 1936). ئامېرىكىلىق تارىخشۇناس، پېداگوك. ئامېرىكىنىڭ ھازىرقى زامان <يېڭى تارىخ داشۆسىنى پۈتتۈرگەن. 1890-يىلى گېرمانىيە فرېبۇرگ داشۆسىنىڭ پەلسەپە دوكتورى ئۇنۋانىنى ئالغان. كېيىن پېننىسلۋانىيە داشۆسى ۋە كولۇمىيە داشۆسىدە ئوقۇتقۇچىلىق قىلغان. 1919-يىلى بېئارد بىلەن بىرلىكتە ئىجتىمائىي تەتقىقات يېڭى مەكتىپىنى قۇرۇپ، تۇنجى مەكتەپ مۇدىرى بولغان. 1921-يىلىدىن كېيىن ئەسەر يېزىش بىلەن شۇغۇللانغان. 1929-يىلى ئامېرىكا تارىخ ئىلمىي جەمئىيىتىنىڭ رەئىسلىكىگە سايلانغان. ئۇ كۆپ مەنبەچىلىك مەدەنىيەت تارىخى قارىشىنى تەشەببۇس قىلىپ، جەمئىيەت، ئىلىم - پەن، ئىدييە ۋە سەنئەت تەرەققىيات تارىخىنى تەتقىق قىلىشنىڭ زۆرۈرلۈكىنى تەكىتلەپ، تارىخ تەتقىقاتىنى ھازىرقى رىئاللىق بىلەن بىرلەشتۈرۈشنى قۇۋۋەتلىگەن. ئۇنىڭ مۇرىتلىرى كۆپ، ھەممە جايغا تارتقالغان بولۇپ، غەرب تارىخشۇناسلىقىغا ناھايىتى زور تەسىر كۆرسەتكەن. ۋەكىللىك خاراكتېرىگە ئىگە ئەسىرى >يېڭى تارىخشۇناسلىق< بولۇپ، يەە >يېقىنقى زامان ياۋروپا تەرەققىياتى< (بېئارد بىلەن بىللە يازغان)، >شەكىللىنىۋاتقان پىكىر ئېقىمى<، >مەدەنىي سىناق< قاتارلىق ئەسەرلىرىمۇ بار.