رەتلىك

ئۇيغۇر تىلى ئۇنۋېرسال سۆزلۈكلەر سۈپەت رېتى، تەرتىپى بار؛ چېچىلاڭغۇ ياكى قالايمىقان ئەمەس. ئاسىيە ئەتىگەن بۇ دەرسنى يورۇق، رەتلىك پارتىلار قويۇلغان ئازادە سىنىپتا سۆزلەپ چىققانىدى. ئايىمگۈل جوزىدىكى رەتلىك تىزىلغان كىتاب - ژۇرنال ۋە گېزىتلەرگە كۆز يۈگۈرتتى. رىتىملىق، تەكشى. ئۇلار پاكىز كىيىنىپ، رەتلىك قەدەم تاشلاپ روھلۇق كېتىۋاتاتتى. نەرسە - كېرەكلەر جاي - جايىغا قويۇلغان، ئورۇنلاشتۇرۇلغان؛ سەرەمجان. ئۆي ئىچى پاكىز ۋە رەتلىك ئىدى. نۇرئاخۇن سىرلانغان كارىۋاتقا كېلىپ، رەتلىك يىغىپ قويۇلغان ئورۇن - كۆرپىلەرگە يۆلىنىپ ئولتۇردى. مەلۇم رەت ۋە تەرتىپ بويىچە ئورۇنلاشتۇرۇلغان، تەرتىپلىك. رەتلىك بايان. ئالىم رەتلىك، مەردانە سۆزلىدى.