قۇرۇق ئىسسىق ئارقىلىق ستېرىلىزاتسىيىلەش

بىئولوگىيە 干热灭菌 gànrèmièjūn قۇرغاق شارائىتتا قىزىتىش ئارقىلىق باكتېرىيە يوقىتىش مەقسىتىگە يېتىدىغان بىر خىل ئۇسۇل. قۇرغاق ئىسسىق ئارقىلىق باكتېرىيە يوقىتىش كونكرېت مەشغۇلات جەريانىغا ئاسان ئوتتا كۆيدۈرۈش ئۇسۇلى بىلەن قىزىق ھاۋا ئۇسۇلىدىن ئىبارەت ئىككى خىل ئۇسۇلنى ئۆز ئىچىگە ئالىدۇ. ئوتتا كۆيدۈرۈش ئۇسۇلىدا ستېرىلىزاتسىيىلىنىدىغان جىسىم بىۋاستە ئوت يالقۇنىغا قويۇلۇپ كۆيدۈرۈش ئارقىلىق ستېرىلىزاتسىيىلىنىدۇ. مەسىلەن، ئېكىش يىڭنىسىنى ئوتتا كۆيدۈرۈش قاتارلىقلار؛ قىزىق ھاۋادا ستېرىلىزاتسىيلەشتە ئاساسەن قۇرۇتۇش ساندۇقىدىن پايدىلىنىپ 160 سېلىتسىيە گرادۇستىن يۇقىرى تېمپېراتۇرىدا ئىككى سائەت قىزدۇرۇپ، مىكرو ئورگانىزملار قىزىق ھاۋادا ئۆلتۈرۈلىدۇ. بۇ خىل ئۇسۇلدا ستېرىلىزاتسىيىلەشتە ئادەتتە ئەينەك قاچىلار ئىشلىتىلىدۇ. ھۆل ئىسسىق ستېرىلىزاتسىيىلەشكە قارىغاندا قىزىق ھاۋادا ستېرىلزاتسىيىلەشكە كېتىدىغان ۋاقىت ئۇزۇنراق بولىدۇ.