قەشقەر يېزا ئىگىلىك مەكتىپى

شىنجاڭ مائارىپى كەسپىي مائارىپ - يىلى 10 - ئايدا، ئاپتونوم رايونلۇق دېھانچىلىق، ئورمانچىلىق نازارىتى قەشقەردە جەنۇبىي شىنجاڭ رايونى دېھقانچىلىق تەربىيىلەش سىنىپى ئاچقان. بۇ ئاساستا 1958 - يىلى 4 - ئايدا قۇرۇلۇشقا باشلاپ، شۇ يىلى 12 - ئايدا رەسمىي ھالدا <قەشقەر يېزا ئىگىلىك مەكتىپى> دەپ نام بېرىلگەن. 1976 - يىلى قەشقەر يېزا ئىگىلىك ئىنستىتۇتى قۇرۇلغاندا ئۇنىڭغا قوشۇلۇپ كتكەن. مەكتەپ قەشقەر شەھەرسىرىتىنىڭ شەرقىدىكى دەريا بويىغا كۆچۈرۈلگەن. 1978 - يىلى قەشقەر يېزا ئىگىلىك ئىنستىتۇتى ئەمەلدىن قالدۇرۇلغاندىن كېيىن، مەكتەپ يەنە ئەسلى ئورنىغا كۆچۈرۈلۈپ، قەشقەر يېزا ئىگىلىك مەكتىپى ئەسلىگە كەلتۈرۈلگەن، قەشقەر ۋىلايەتلىك يېزا ئىگىلىك ئىدارىسىنىڭ ئىگىدارچىلىقىدا بولغان. مەكتەپ خەنزۇ، مىللىي ئارىلاش مەكتەپ بولۇپ، ئوقۇتۇشتا خەنزۇ تىلى، ئۇيغۇر تىلى قوللىنىلىدۇ. ئىگىلىگەن يەر مەيدانى 34000 كۋادرات مېتىر بولۇپ، ئوقۇتۇش رايونى قۇرۇلۇش كۆلىمى 21602 كۋادرات مېتىر. مەزكۇر مەكتەپ قەشقەر ۋىلايىتىدىكى بىردىنبىر يېزا ئىگىلىك، ئورمانچىلىق، چارۋىچىلىقنى ئاساس قىلغان ئادەتتىكى ئوتتۇرا تېخنىكوم كەسپىي مەكتىپى، مەكتەپ يېزا ئىگىلىك، يېزا ئىقتىسادىي، باغۋەنچىلىك، چارۋىچىلىق، ئۆسۈملۈك ئاسراس قاتارلىق ئالتە تايانچ كەسىپ ۋە مۇناسىپ ئالتە كەسپىي بۆلۈم تەسىس قىلغان ھەمدە جەمئىيەتنىڭ ئېھتىياجىغا ئاساسەن، چارۋىچىلىق مەھسۇلاتلىرىنى كارانتىن قىلىش، پاختا، مېۋىلىك دەرەخ، كۆكتات، يېزا كەنتلىرىنى پىلانلاش كەسىپلىرىنىمۇ ئاچقان. مەكتەپتە قەشقەر ۋىلايەتلىك يېزا ئىگىلىك كادىرلارنى تەربىيىلەش بۆلۈمى، قەشقەر ۋىلايەتلىك پاختا تېخنىكىسى يېتىشتۈرۈش مەركىزى تەسىس قىلىنغان بولۇپ، ئۈسكۈنىلىرى ئىلغار كومپيۇتېرخانا، تىل - تەجرىبىخانا، ئېلېكترلەشكەن ئوقۇتۇش مەركىزى ۋە كەسپىي تەجرىبىخانىلاردىن 21 سى، مەكتەپ ئىچى - سىرتىدا پراكتىكا بازىسىدىن 19 ھەمدە نەسىل يېتىشتۈرۈش بازىسى. باقمىچىلىق مەيدانى بار.كۇتۇپخانىدىكى كىتاب 30 مىڭدىن ئارتۇق. يېقىنقى يىللاردىن بۇيان، مەكتەپ ئوقۇتۇش شەكلى كۆپ خىللىشىپ، پۈتۈن كۈنلۈك ئوتتۇرا تېخنىكومىدىن مەخسۇس تۈردىكى تېخنىك يېتىشتۈرۈش، كەسپىي سالاھىيەت تەربىيىلەش قاتارلىقلارنى يولغا قويغان، رايونىمىزدىكى مۇناسىۋەتلىك ئونىۋېرسىتېتلار بىلەن بىرگە، ئىشتىن سىرتقى مەخسۇس كۇرس سىنىپى ۋە<2+3 يىزا ئىگىلىك ئوقوتقۇچىلرى تەربىلەش مەخسۇس كورۇس سىنىپى تەسىس قىلغان. 1997 - يىلى ئاپتونوم رايونلۇق مائارىپ نازارىتى تەرىپىدىن >ئوقۇتۇشنى باشقۇرۇشتىكى ئىلغار ئورۇن< دەپ باھالاندى. مەكتەپ شتاتى 150. 1999 - يىلى مەخسۇس ئوقۇتقۇچىسى 120 نەپەر (ئالىي دەرىجىلىك لېكتور سەككىز نەپەر، لېكتور 39 ئادەم، ياردەمچى لېكتور 45 نەپەر)، مەكتەپتىكى ئوقۇغۇچى 910 نەپەر. مەكتەپ قۇرۇلغاندىن بۇيان جەمئىي 8000 نەپەردىن ئارتۇق ئوقۇغۇچى تەربىيىلىنىپ، ئوقۇش پۈتتۈرگەن، 2000 نەپەردىن ئارتۇق ئادەم قىسقا مۇددەتلىك كۇرستا تەربىيىلەنگەن.