پۈت

ئاھاڭداش سۆزلەر پېئىل. پۈتمەك، پۈتۈش. تۈگىمەك، ئاخىرىغا يەتمەك. ئاياغلاشماق، تاماملانماق. يېڭى بىنا پۈتتى. * كىيىم پۈتتى. * ئىش پۈتتى. * ئېشىكىم سۇدىن ئۆتتى، ئىشىم پۈتتى (مەتەل). * پۈتكەن ئىشقا ئىگە تولا، ئۇرۇشتىن كېيىن باتۇر (ماقال). ياخشىلىق بىلەن ئىش پۈتسە پەقەت، جاڭجال غوۋغا قىلىشقا بۇندا نەھاجەت. ئاھاڭداش سۆزلەر پېئىل. پۈتمەك، پۈتۈش. يازماق. خەت پۈتمەك. * دەپتەرگە پۈتۈپ قويماق. * پېشانىگە پۈتۈلگەننى تارتماي ئامال يوق. ئاھاڭداش سۆزلەر پېئىل. پۈتمەك، پۈتۈش. 1 . ئىچىدىكى بوشلۇق تىنىپ، ئېتىلىپ قالماق. يىڭنىنىڭ تۆشۈكى پۈتۈپ قاپتۇ. 2 . يارا ساقايماق، ئاغزى جىپلاشماق. يارىنىڭ ئاغزى پۈتۈپتۇ. 3 . بۇرۇن نەپەسلىنىش قىيىن بولماق. بۇرنۇم پۈتۈپ قالدى. 4 . ئاۋاز چىقماي قالماق. ناخشىنى تولا ئېيتىپ، ئاۋازىم پۈتۈپ قالدى. * ئۇ قىز ئانىسىنىڭ ئۆلۈمىگە تولا يىغلاپ، ئاۋازى پۈتۈپ كەتتى. 5 . قۇلاق ئاڭلىماس بولۇپ قالماق. ئۇ بوۋاينىڭ قۇلىقى پۈتۈپ قاپتۇ. ئاھاڭداش سۆزلەر پېئىل. پۈتمەك، پۈتۈش. ئىشەنمەك، خەقنىڭ سۆزىگە ئىشەنمەك. ئۇنىڭ سۆزىگە پۈتۈپ، خاتا قىلدىم.