پېنزا شەھىرى

دۇنيادىكى شەھەرلەر 奔萨 bēn sà سوۋېت ئىتتىپاقى ياۋروپا بۆلىكىنىڭ ئوتتۇرا جەنۇبىي قىسمىغا جايلاشقان شەھەر، پېنزا ئوبلاستىنىڭ مەركىزى. بۇ شەھەر ۋولگا دەرياسىنىڭ تارمىقى سورا دەرياسىنىڭ ئىككى ياقىسىغا جايلاشقان. ئاھالىسى 526 مىڭدىن ئاشىدۇ (1985). بۇ شەھەر 1663 - يىلى سېلىنغان. سانائىتىدە خىمىيە، توقۇمىچىلىق ماشىنىلىرىنى ئىشلەپچىقىرىش سانائەتلىرى مەشھۇر بولۇپ، ئۇنىڭدىن باشقا دېزىل ماشىنىلىرىنى ئىشلەپچىقىرىش، ئېلېكترونلۇق ھېسابلاش ماشىنىلىرىنى ئىشلەش، ياغاچچىلىق، قەغەز قاتارلىق سانائەت ئورۇنلىرىمۇ مۇھىم ئورۇن تۇتىدۇ. پېنزا شەھىرى رۇس مىللىتىنىڭ قەدىمىي مەدەنىيەت مەركەزلىرىنىڭ بىرى. شەھەرنىڭ تۆمۈريول قاتنىشى تەرەققىي قىلغان. بۇ جايدا پۈتۈن سوۋېت ئىتتىپاقى بويىچە خىميە سانائەت ئۈسكۈنىلىرى بىلەن توقۇمىچىلىق ماشىنىلىرىنى ياساش تەتقىقات ئورنى، قۇرۇلۇش بىناكارلىق شۆيۈەنى، چوڭ تىپتىكى مۇزېيخانا بار.