苹果

شىنجاڭنىڭ ئۆسۈملۈكلىرى ئالما بۇ ئەتىرگۈل ئائىلىسىدىكى كۆپ يىللىق يوپۇرماق تاشلايدىغان، نەشپۈتكە ئۇرۇقداش دەرەخ، شۇنداقلا مەشھۇر مېۋە بولۇپ، يۇمىلاق، قىزىل، ئاق رەڭدە، كۆرۈنۈشى چىرايلىق. خۇش پۇراقلىق، تەمى تاتلىق، سۇلۇق، ئۈستىدە پوستى بار، ئىچىدە قارا ئۇرۇقلىرى بار، چېچىكى ئاق، قىزىل، شاپتۇل چېچىكى رەڭدە بولىدۇ. بۇ ئۈچ خىل بولۇپ، بىرىنچىسى تاتلىق، پوستى نېپىز، چوڭ، سۇلۇق؛ ئىككىنچىسى ئاچچىق - چۈچۈك، بىمەزە تەملىك، يوغانلىقى ئوتتۇرا ھال، ئۈچىنچىسى تەمى ئاچچىق، كىچىك بولىدۇ. دورىغا بۇ ئۆسۈملۈكنىڭ پىشقان مېۋىسى ئىشلىتىلىدۇ. بۇ ئۆسۈملۈكنىڭ مېۋىسى پىشقاندا، مېۋىسىنى يىغىۋېلىپ ئاپتاپتا قۇرۇتۇپ تەييارلىنىدۇ. دورىغا ھۆل ھالەتتىمۇ ئىشلىتىلىدۇ. شىنجاڭ ئۇيغۇر ئاپتونوم رايونىنىڭ ھەرقايسى جايلىرىدا، بولۇپمۇ تاغلىق رايونلاردا كۆپ ئۆسىدۇ. تاتلىقىنىڭ ئىككىنچى دەرىجىدە ھۆل ئىسسىق، بىمەززە ۋە ئاچچىقىنىڭ قۇرۇق سوغۇق. كۆڭۈلگە خۇشلۇق يەتكۈزۈش، ئاشقازان، مېڭە ۋە يۈرەكنى قۇۋۋەتلەش، سەۋدا خاراكتېرلىك ۋەسۋەسىلىكنى يوقىتىش، قۇرۇق يۆتەلنى تۈگىتىش، سەپرا خاراكتېرلىك ئىچ سۈرۈشنى ياخشىلاش، قۇسۇش ۋە ئۇسسۇزلۇقنى يوقىتىش خۇسۇسىيىتىگە ئىگە. ئەھۋالغا قاراپ شەربىتىدىن 1 ~ 5 ياشقىچە بولغانلارغا بولغانلارغا 10 ~ 14 گرام، 5 ～ 10 ياشقىچە بولغانلارغا 20 ～ 30 گرام، 10 ~ 15 ياشقىچە بولغانلارغا 40 ～ 50 گرام، چوڭلارغا 60 گرام ئەتراپىدا ئىشلىتىلىدۇ. ئالمىنى مۇۋاپىق ئىستېمال قىلىپ بەرسە، ئاشقازاننى قۇۋۋەتلەپ، ئىشتىھانى ئېچىپ، نەپەسنى راۋانلاشتۇرىدۇ. ئالمىنى پىشۇرۇپ ئىستېمال قىلىپ بەرسە، قۇرۇق يۆتەلگە مەنپەئەت قىلىدۇ. ئالمىنىڭ سۈيىنى شورپا، مۇسەللەس بىلەن قوشۇپ ئىستېمال قىلىپ بەرسە، كۆڭۈل ئېلىشىشنى پەسەيتىدۇ. ئالمىنىڭ سۈيىنى چايان چاققان جايغا چېپىپ بەرسە، ئاغرىق توختىتىدۇ. ئالمىنى دائىم ئىستېمال قىلسا، ۋابا، قەۋزىيەت، ئىچ سۈرۈش قاتارلىق سوزۇلما ۋە يۇقۇملۇق كېسەللىكلەرنىڭ ئالدىنى ئېلىپ، كىشىنى سەمرىتىدۇ. ئالمىنى خېمىر قىلىپ كۆزگە تېڭىپ بەرسە، كۆز ئاغرىقىنى پەسەيتىدۇ. ئالمىنىڭ شاخ ۋە مېۋىلىرىنى يەرلىك ئورۇنغا چېپىپ بەرسە، زەھەر قايتۇرىدۇ. ئالمىنىڭ سىقىپ چىقىرىلغان بىر لىتىر سۈيىگە 50 مىللىلىتىر ئاپېلسىن سۈيى، بىر كىلوگرام قەنت ئارىلاشتۇرۇپ قىيام تەييارلاپ ئىستېمال قىلىپ بەرسە، ھەزىمنى ياخشىلاپ، ئاشقازان، مېڭە ۋە جىگەرنى قۇۋۋەتلەيدۇ؛ قۇسۇشنى توختىتىپ، قاننى سوۋۇتۇپ، ئىچ سۈرۈشنى توختىتىدۇ.

ئالما دەرىخى ئازغان ئائىلىسىگە كىرىدۇ، يوپۇرماق تاشلايدىغان دەرەخ. كىچىك شېخىدا دەسلەپ قويۇق يۇمشاق تۈك بولىدۇ، كېيىن چۈشۈپ كېتىدۇ، قېرى شېخى بىنەپشە قوڭۇر رەڭ بولىدۇ؛ قىشلىق بىخىدا يۇمشاق تۈكچىلەر ئۆسىدۇ. يوپۇرمىقى ئېللىپىس شەكىللىك، تۇخۇم شەكىللىك، كەڭ ئېللىپىش شەكىللىك بولىدۇ، يوپۇرماق گىرۋىكىدە يۇمىلاق ھەرە چىشى بولىدۇ، يۇمران مەزگىلدە ئىككىلا يۈزىدە قىسقا يۇمشاق تۈك بولىدۇ، يوپۇرماق سېپى بولىدۇ. كۈنلۈكسىمان گۈل رېتىدە 3 - 7 تال گۈل بولىدۇ، گۈل سېپىدە قويۇق تۈك ئۆسىدۇ؛ گۈلى ئاق ياكى توق قىزىل بولىدۇ؛ گۈلتاجىنىڭ گىرۋىكىنىڭ رەڭگى قېنىق كېلىد، ئاتىلىقى 20، ئانىلىقى بەش بولۇپ كۆپ ساندىكى سورتلىرى ئۆز گۈلىدىن ئۇرۇقلانمايدۇ، مېۋىسى ئۇرۇقدان بىلەن گۈل تېگىنىڭ يېتىلىشىدىن ھاسىل بولىدۇ، ئۇرۇقدان مېۋە مەركىىزنى، گۈل تېگى مېۋە گۆشىنى ھاسىل قىلىدۇ؛ مېۋىسى ئازراق يۇمىلاق، ئۇزۇن يۇمىلاق، ئېللىپىسسىمان شەكىللەردە بولۇپ مېۋە پوستى كۆك، سېرىق، ياكى قىزىل رەڭدە بولىدۇ. سورتى ۋە ئۆستۈرۈلىدىغان رايوننىڭ ئوخشىماسلىقىغا قاراپ ياز پەسلىدىن كۆز پەسلىگىچە ھوسۇل ئالغىلى بولىدۇ. كۈن نۇرىنى ياقتۇرىدۇ، سوغۇققا نىسبەتەن چىداملىق، ئاساسەن ئۇلاش ئارقىلىق كۆپەيتىلىدۇ. ئەسلى ماكانى ياۋروپا بولۇپ، كىچىك ئاسىيا ۋە شىنجاڭ قاتارلىق ياز پەسلى قۇرغاق رايونلاردا ئۆستۈرۈلىدۇ. ياۋورپادا ئۆستۈرۈلۈش تارىخى ئۇزۇن بولۇپ، مۇھىم مېۋىلەرنىڭ بىرى ھېسابلىنىدۇ؛ ھازىر جۇڭگونىڭ ھەممىلا يېرىدە ئۆستۈرۈلۈۋاتىدۇ، بولۇپمۇ شەرقىي شىمال ۋە شەندۇڭدىن چىقىدىغان سورتلىرى ئەڭ ئەتىۋارلىق. دېھقانچىلىق,ئورمانچىلىق,ئۆسۈملۈك,يېزا ئىگىلىك píng guǒ ئالماDئۇنىۋېرسال píng guǒ ئالما