—参考资料
نېمە ئۈچۈن بوۋاقلارغا قەرەللىك ھالدا بەدەن تەكشۈرۈش ئېلىپ بېرىلىدۇ؟
نېمە ئۈچۈنبوۋاقلىق مەزگىلى بوۋاقلارنىڭ ئۆسۈپ يېتىلىشىنىڭ ئەڭ يۇقىرى پەللىسىدىكى دەۋرى. بۇ مەزگىلىدە بوۋاقنىڭ بەدەن، ھەرىكەت ئورگانىزمى ۋە ئەقلىي ئىقتىدارىنىڭ ھەممىسىدە سەكرەش خاراكتېرلىك ئۆزگىرىش يۈز بېرىدۇ. بوۋاقنىڭ ئۆسۈپ يېتىلىش ئەھۋالىنى ۋاقتىدا بىلىپ تۇرۇش ئۈچۈن قەرەللىك ھالدا بەدەن ھەم ئەقلىي ئىقتىدارىنى تەكشۈرۈپ تۇرۇش كېرەك. قەرەللىك بەدەن تەكشۈرۈش ئېلىپ بارغاندا بوۋاق بەدىنىنىڭ ئۆسۈپ يېتىلىشى ۋە ئەقلىي ئىقتىدارىنىڭ يېتىلىش ئەھۋالىنى سىستېمىلىق ئىگىلەپلا قالماستىن، يەنە غەيرىي ئەھۋاللارنى ۋاقتىدا بايقىغىلى، بەزىبىر ئالامىتى ئېنىق بولمىغان كېسەللەرنى بالدۇر بايقاپ، بالدۇر دىئاگنوز قويۇپ ۋە بالدۇر داۋالىغىلى بولىدۇ. ئۇنىڭدىن سىرت، قەرەللىك تەكشۈرۈش ئېلىپ بېرىش جەريانىدا ئاتا - ئانا يەنە سالامەتلىك تەكشۈرگۈچى خادىم، دوختۇر قاتارلىق كەسپىي خادىملارنىڭ ئىلغار بولغان بالا تەربىيىلەش يېتەكچىلىكىگە ئېرىشىپ، بوۋاقنى تېخىمۇ ساغلام، تېخىمۇ ئىلمىي ھالدا ئۆسۈپ يېتىلدۈرۈشكە تۈرتكە بولىدۇ. ئادەتتىكىچە ئېيتقاندا، ئالتە ئايلىق ئىچىدىكى بوۋاقلارغا ھەر بىر - ئىككى ئايدا بىر قېتىم؛ ئالتە ئايدىن بىر ياشقىچە بوۋاقلارغا ھەر ئىككى - ئۈچ ئايدا بىر قېتىم؛ بىر ياشتىن ئۈچ ياشتا ھەر يېرىم يىلدا بىر قېتىم؛ ئۈچ ياشتىن كېيىن ھەر يىلى بىر قېتىم بەدەن تەكشۈرۈش ئېلىپ بېرىش كېرەك. بۇنداق قىلغاندا، كېسەل بولسا بالدۇر داۋالاپ، كېسەل بولمىسا ئالدىنى ئېلىش مەقسىتىگە يەتكىلى بولىدۇ.
